नवा कॅमेरा दोन वर्षांसाठी भाडेतत्त्वावर घेण्यात येणार आहे. या कालावधीत कॅमेऱ्याच्या देखभालीची जबाबदारी सेवापुरवठादार कंपनीची असणार आहे. सीसीटीव्ही असणाऱ्या विशेष उपकरणाच्या माध्यमातून जलवाहिनीच्या आतमध्ये हा कॅमेरा वापरून दृश्य टिपता येणार आहे. अद्ययावत कॅमेऱ्याच्या माध्यमातून नेमके ठिकाण, घटनास्थळाचा व्हिडीओ रेकॉर्ड करणे शक्य होणार आहे. यासाठी प्रखर दिव्यांची प्रकाशयोजना कॅमेऱ्यात करण्यात आली आहे. अनेकदा खोदकाम करूनही गळतीचे नेमके ठिकाण सापडत नाही, अशा ठिकाणी हा कॅमेरा उपयुक्त ठरणार आहे.
हॉटेलात असताना अतिकच्या मारेकऱ्यांकडे…; मॅनेजरच्या जबाबानं सस्पेन्स वाढला; ते दोघे कोण?
असा आहे ‘क्राऊलर’
‘क्राऊलर’ हा चाकांच्या आधारावर चालणारा आणि वायर रिमोटने हाताळणी शक्य असणारा कॅमेरा असल्याची माहिती पालिकेकडून देण्यात आली. कर्मचाऱ्यांद्वारे जलवाहिन्यांमधील गळती शोधणे शक्य नसलेल्या ठिकाणी हा कॅमेरा उपयुक्त ठरतो. याच्या वापरामुळे जलवाहिनीचा आकार, आतील रुंदी किंवा निरीक्षण केलेले अंतर अशी सर्व आकडेवारी उपलब्ध होते. यातून गळतीचे नेमके ठिकाण किंवा दूषित स्रोत शोधणे शक्य होते.
