म्युच्युअल फंडाचा ५०:३०:२० फॉर्म्युला
५०:३०:२० फॉर्म्युलाबद्दल बोलायचे तर या सूत्रानुसार तुम्हाला तुमचा पगार तीन भागात विभागायची गरज आहे. जर तुम्ही नोकरी करत असाल तर तुमच्या सॅलरी अकाउंटमध्ये येणाऱ्या पगारावर हा फॉर्म्युला वापरून त्याचे तीन भाग करा. व्यावसायिकही देखील हा फॉर्म्युला वापरू शकतात. हा फॉर्म्युला तुम्ही तुमच्या मासिक उत्पन्नावर लागू करून प्रचंड निधी उभा क्रौ शकता.
तुम्हालाही बोनस मिळालाय, मग गृहकर्ज फेडावे, की गुंतवणूक करावी? वाचा तुमच्या कामाची माहिती
३०००० रुपये पगार असेल तर गुंतवणूक कशी करायची?
जर आपण दरमहिना ३० हजार रुपये पगार असलेल्या नोकरी व्यावसायिकांवर हे सूत्र लागू केले तर त्याच्या १०० टक्के पगाराचा भाग असा विभागला जाईल. ५०%+३०%+२०%= १००% म्हणजेच तुमचा पगार तीन भागात विभागून घ्या. यानुसार, नंतर तुमच्या पगाराचे तीन भाग (१५०००+९०००+६०००) असतील.
कुठला भाग कुठे गुंतवावा?
तुमच्या पगाराचा सर्वात मोठा किंवा ५०% भाग तुमच्या महत्त्वाच्या कामांवर खर्च करा, यामध्ये अन्न, पेय, निवास आणि शिक्षण यांचा समावेश होईल. लक्षात घ्या की निश्चित रकमेपैकी हे खर्च पूर्ण करण्यासाठी तुम्ही संपूर्ण महिन्याच्या खर्चाची यादी तयार करावी. या फॉर्म्युला अंतर्गत तुमच्या आवश्यक खर्चासोबत तुमची आवड जसे की बाहेर जाणे, चित्रपट पाहणे, बाहेर खाणे, गॅजेट्स आणि बऱ्याच गरजा पूर्ण करू शकता. मात्र, त्यांना उत्पन्नानुसार मर्यादा घालणेही अत्यंत आवश्यक आहे. तुमच्या पगारातून काढलेल्या ३०% रकमेने तुम्ही या सर्व गरजा पूर्ण करू शकता. नियमांनुसार, महिन्याला ३०,००० रुपये कमावणाऱ्या व्यक्तीला जास्तीत जास्त ९,००० रुपये खर्च करण्याचा सल्ला दिला जाईल.
नव्या आर्थिक वर्षात खर्च आणि गुंतवणुकीचं गणित असं बसवा, ‘या’ टिप्स ठरतील फायदेशीर
करोडपती होण्याची शेवटची पायर!
कोट्यवधींचा फंड उभा करण्याचा लहान पण सर्वात महत्त्वाचा भाग म्हणजे तिसरा -२० टक्के. या फॉर्म्युलामध्ये लक्षात ठेवण्यासारखी गोष्ट म्हणजे की तुम्ही तुमच्या कमाईचा छोटा हिस्सा बचत करणे आवश्यक आहे. त्यानंतर ही रक्कम योग्य ठिकाणी गुंतवावी लागेल. तर तुम्हाला निश्चित उद्दिष्ट साध्य करण्यासाठी म्युच्युअल फंडांमध्ये दरमहा SIP आणि बाँड असे सर्वोत्तम पर्याय असेल.
५०:३०:२० फॉर्म्युल्यानुसार दरमहा इतक्या पैशाची बचत केल्यास तुम्ही वार्षिक ७२,००० रुपये वाचतील. आणि SIP मध्ये गुंतवणूक केल्यास तुमची ही बचत वर्षानुवर्षे वाढत जाईल आणि त्यासोबतच त्यावर मिळणाऱ्या व्याजात चक्रवाढ व्याज जोडल्यावर एक मोठा फंड तयार होईल.
