अशा वातावरणात विविध कंपन्यांमध्ये काम करणाऱ्या कर्मचाऱ्यांना काहीसे अस्वस्थ वाटत आहे. मंदीच्या पार्श्वभूमीवर त्यांची कंपनी देखील भविष्यात कधी टाळेबंदीची घोषणा करेल याबद्दल कर्मचाऱ्यांमध्येही भीती आहे. अशा स्थितीत, जर टाळेबंदीमुळे एखाद्या कर्मचाऱ्याने नोकरी गमवावी लागली, तर नवीन नोकरीसाठी काय करावे, तसेच कठीण प्रसंगी खर्चाचे व्यवस्थापन कसे करावे, असा प्रश्न उपस्थित होतो.
तुम्हालाही बोनस मिळालाय, मग गृहकर्ज फेडावे, की गुंतवणूक करावी? वाचा तुमच्या कामाची माहिती
टाळेबंदीत नोकरी गेल्यास तुम्हाला काय मिळेल?
जेव्हा एखादी कंपनी कर्मचार्‍यांना कामावरून काढून टाकते तेव्हा आर्थिक सहाय्य म्हणजे कर्मचार्‍यांना दोन ते तीन महिन्यांचा पगार देते, ज्याला सेवा पॅकेज असेही म्हणतात. मात्र, यासंबंधी नियम कंपनीनुसार वेगवेगळे असू शकतात. तसेच टाळेबंदीत नोकरी गेली तर कर्मचाऱ्यांना वैद्यकीय विमा, मुदत विमा आणि इतर प्रकारचे भत्ते आणि सुविधा मिळणे बंद होते.
मात्र, काही कंपन्या पीडित कर्मचाऱ्याला नवीन नोकरी मिळेपर्यंत वैद्यकीय विम्यासह काही सुविधा देत राहते. ज्या कर्मचाऱ्यांना नोकरीच्या कराराच्या नियमानुसार टाळेबंदीनंतर योग्य मोबदला मिळत नाही, असे कर्मचारी त्यांच्या हक्कासाठी खटलाही दाखल करता येईल.
SSY: सरकारी योजना देईल लाखोंचा परतावा…लग्नाच्या वयात तुमच्या मुलीला मिळेल लाखोंची शिदोरी
अनावश्यक खर्च कमी करा
टाळेबंदीत नोकरी गमावल्यानंतर प्रत्येक व्यक्तीसमोर नवीन नोकरी मिळवण्याचे आव्हान असते. बर्‍याच वेळा नोकरी पटकन मिळते पण कधी-कधी नोकरीसाठी बरच वणवन करावी लागते. अशा स्थितीत तुम्हाला तुमच्या बचतीचा वापर किमान पुढील ६ महिन्यांचा खर्च भागवण्यासाठी करावा लागेल. या काळात महिन्याच्या खर्चाचा हिशोब करून तुम्ही दर महिन्याच्या खर्चासाठी पैशांचे बजेट बनवू शकता. असे केल्यास तुम्ही तुमच्याकडे असलेली एकूण रक्कम आणि त्यातून किती काळ खर्च करता येईल याचा अंदाज बंधू शकता.
फायद्याची बातमी! छोटी गुंतवणूक अन् रिस्कही कमी, ‘या’ फॉर्म्युलामुळे तुमचा पैसा होईल दुप्पट
नोकरीच्या काळात प्रत्येक व्यक्ती आपला छंद पूर्ण करण्यासाठी खर्च करतो, परंतु नोकरी नसताना इतर छंद आणि अनावश्यक खर्चाला आळा घालणे आवश्यक असते. त्यामुळे तुमच्या खर्चाची यादी तयार करा आणि घरभाडे, वीज बिल, खाण्यापिण्याचे आणि मुलांचे शुल्क यासंबंधीचा खर्च सर्वात वर ठेवा.
नवीन नोकरीसाठी काय करायचे?
टाळेबंदीमुळे तुमची नोकरी गेल्यावर नवीन नोकरी शोधण्यासाठी ऑनलाइन जॉब सर्च पोर्टलवर संधी शोधणे सुरू करा. मात्र, त्याआधी सध्याच्या कंपनीने तुम्हाला का काढले हे जाणून घेण्याचा प्रयत्न करा आणि याबाबत तुमच्या अधिकाऱ्यांना जाब विचारा. जर त्यांनी तुम्हाला तुमच्या उणिवा सांगितल्या तर त्या काळजीपूर्वक ऐका आणि त्या सुधारण्याचा प्रयत्न करा, जेणेकरून भविष्यात अशा चुका पुन्हा होणार नाहीत.
लवकर निवृत्त होताय…
नोकरी गेल्यामुळे प्रत्येक व्यक्तीला मानसिक त्रासाला समोरे जावे लागते, त्यामुळे आत्मविश्वासाने संयम बाळगून नवीन नोकरी शोधायच्या कामाला लागा. सर्वप्रथम यासाठी आपल्या मित्र आणि सहकाऱ्यांच्या संपर्कात राहा. जेव्हाही तुम्ही एखाद्या कंपनीत मुलाखतीसाठी जाल तेव्हा भूतकाळात घडलेल्या घटनेबद्दल नाराज होऊ नका, अन्यथा कंपनीला वाटेल की तुम्ही नोकरीसाठी योग्य नाही.
