बाजार समितीत विजयाचा महाविकास आघाडीच्या कार्यकर्त्यांनी जोरदार जल्लोष केला. क्रेनच्या माध्यमातून गुलालाची उधळण करत कार्यकर्त्यांनी मोठा आनंद व्यक्त केल्याचा पाहायला मिळालं.विजयानंतर महाविकास आघाडीच्या कार्यकर्त्यांच्या वतीने भव्य रॅली काढण्यात आली. यावेळी राष्ट्रवादीचे माजी मंत्री डॉ. सतीश पाटील यांना खांद्यावर बसवून कार्यकर्त्यांनी मोठा जल्लोष केला.
पारोळा बाजार समितीमध्ये महाविकास आघाडीचं मार्केट कमिटी बचाव पॅनल आणि आमदार चिमणराव पाटील यांच्या जयकिसान पॅनल मध्ये थेट लढत झाली. या ठिकाणी राष्ट्रवादी काँग्रेसच्या सतीश पाटील तसेच ठाकरे गटाचे जिल्हाप्रमुख हर्षल माने यांच्या नेतृत्वात महाविकास आघाडीचे पॅनलने बाजी मारली आहे. या निवडणुकीत चिमणराव पाटील यांच्या जयकिसान पॅनल ला केवळ तीन जागांवरच विजय मिळवता आला आहे .
सांगली बाजार समितीत मविआचा झेंडा; इस्लामपुरात जयंत पाटलांचा करिष्मा, पण विट्यात मोठा धक्का!
पारोळा बाजार समिती ही शिवसेनेच्या ताब्यात होती. मात्र यावर महाविकास आघाडीच्या माध्यमातून राष्ट्रवादीचे माजी मंत्री डॉक्टर सतीश पाटील यांनी एक हाती सत्ता मिळवत पुन्हा आपलं वर्चस्व सिद्ध केलं आहे आणि आमदार चिमणराव पाटील यांना मोठा धक्का दिला आहे.
पारोळा बाजार समितीमध्ये महा विकास आघाडीची एक हाती सत्ता आली असून या विजयानंतर राष्ट्रवादी काँग्रेसचे माजी मंत्री डॉ. सतीश पाटील यांनी पहिली प्रतिक्रिया दिली आहे. या निवडणुकीत विजयाच्या माध्यमातून महाविकास आघाडीने खोक्यांचा माज उतरविला असल्याचे म्हणत त्यांनी चिमणराव पाटील यांच्यावर जोरदार टीका केली आहे.
छ. संभाजीनगर बाजार समितीत मविआला धक्का, भाजपची मुसंडी; तीन जागांचा निकाल बाकी
विधानसभेत विद्यमान आमदारांचे डिपॉझिट जप्त होईल: डॉ.सतीश पाटील
पारोळा बाजार समिती भ्रष्टाचाराचा अड्डा झाला होता. नागरिकांमध्ये प्रचंड नाराजी होती, असा आरोप राष्ट्रवादीचे डॉ. सतीश पाटील यांनी चिमणराव पाटील यांच्यावर केला आहे. विधानसभेची ही रंगीत तालीम असून नागरिक आमच्या बाजूने आहेत विधानसभेत ही त्यांचं डिपॉझिट झाल्या शिवाय राहणार नाही, असा विश्वास डॉ.सतीश पाटील यांनी व्यक्त केला आहे.
