सेबीने काय म्हटले
अदानी-हिंडेनबर्ग विषयात अनेक गुंतागुंतीच्या बाबींचा तपास करावा लागणार असल्याचे सेबीकडून सांगण्यात आले असून त्यांना त्यासाठी ६ महिन्यांची मुदत वाढ द्यावी. सेबीने सांगितले की व्यवहारातील गुंतागुंत आणि फसवणुकीची शक्यता लक्षात घेता या प्रकरणाच्या तपासासाठी सुमारे १५ महिन्यांचा कालावधी लागणार आहे. मात्र, या प्रकरणाचा तपास सहा महिन्यांत पूर्ण होईल, अशी आशा आहे.
डोक्यावर आधीच कर्जाचा डोंगर अन् आणखी मोठ्या कर्जासाठी गौतम अदानींची धडपड, वाचा सविस्तर
सहा सदस्यांची समितीची स्थापना
अमेरिकेत अशी तपासणी ९ महिने ते पाच वर्षांपर्यंत चालते, असेही सेबीकडून सांगण्यात आले. अदानी समूहावर हिंडेनबर्गच्या अहवालानंतर तपासाचे प्रकरण सर्वोच्च न्यायालयात पोहोचले, त्यानंतर २ मार्च रोजी सर्वोच्च न्यायालयाने माजी न्यायमूर्ती अभय मनोहर सप्रे यांच्या अध्यक्षतेखाली सहा सदस्यीय समिती स्थापन करून दोन महिन्यांत या प्रकरणाची चौकशी करण्यास सांगितले होते. तसेच या प्रकरणाचा सेबीकडून सुरू असलेला तपास सुरू ठेवण्यास सांगितले.
हिंडेनबर्ग वादानंतर अदानी समूहाची मोठी घोषणा, गुंतवणूकदारांचा विश्वास जिंकण्याची धडपड सुरूच
अदानी समूहाचे निवेदन
समूहाचे प्रवक्ते म्हणाले- २४ जानेवारी २०२३ रोजी शॉर्ट-सेलरने केलेल्या आरोपांची सेबी चौकशी करत आहे आणि त्या तारखेपूर्वी आणि नंतरच्या बाजारातील क्रियाकलापांची देखील चौकशी करत आहे. सेबीने तपास पूर्ण करण्यासाठी सर्वोच्च न्यायालयाकडे अधिक वेळ मागितला आहे, असे आम्हाला कळले आहे. आम्ही चौकशीचे स्वागत करतो, जे प्रत्येकासाठी ऐकण्याची आणि सर्व समस्यांचे निराकरण करण्याची एक वाजवी संधी दर्शवते. आम्ही सर्व कायदे आणि नियमांचे पूर्णपणे पालन करत आहोत व आम्हाला विश्वास आहे की सत्याचा विजय होईल. आम्ही सेबीला पूर्ण सहकार्य करत आहोत आणि आमचे पूर्ण समर्थन आणि सहकार्य करत राहू.
अदानींनी भाजपला किती पैसे दिले? प्रश्नांचा भडीमार करत राहुल गांधी लोकसभेत मोदींवर बरसले
अदानी शेअर्सची दाणादाण
उल्लेखनीय आहे की हिंडेनबर्ग रिसर्चच्या अहवालामुळे अदानी समूहाच्या शेअर्समध्ये मोठी पडझड झाली होती. या संदर्भात एका जनहित याचिकेवर सुनावणी करताना सर्वोच्च न्यायालयाने ही समिती स्थापन केली होती. हिंडेनबर्ग अहवालामुळे अदानी समूहाच्या शेअर्समध्ये एक महिन्यापेक्षा जास्त काळ मोठी घसरण झाली, ज्यामुळे समूहाचे मार्केट कॅप अर्ध्याहून अधिक कमी झाले होते. तसेच अदानी समुहाचे अध्यक्ष गौतम अदानी देखील श्रीमंतांच्या यादीतील टॉप ३० मधून बाहेर पडले. मात्र, गेल्या काही दिवसांपासून समूहाच्या शेअर्समध्ये तेजी दिसून येत आहे.
