पाकिस्तानात होतेय पालींची सर्रास कत्तल; रस्त्याशेजारी विकलं जातंय चरबीचं तेल; कारण काय?आतापर्यंत कोणत्याही देशानं दोन्ही देशांच्या अध्यक्षीय निवासांना किंवा त्यांच्या कार्यालयांना लक्ष्य केलेलं नव्हतं. मात्र आता रशियन अध्यक्षांच्या निवासस्थानावर हल्ला झाल्यानं परिस्थिती तणावपूर्ण बनवी आहे. या परिस्थितीत रशिया-युक्रेन युद्ध लवकरच निर्णायक टप्प्यावर पोहोचेल, अशी शक्यता वर्तवली जात आहे.
मॉस्कोपासून युक्रेनची सीमा जवळपास ६०० किलोमीटर अंतरावर आहे. हे अंतर कापण्यासाठी कोणत्याही ड्रोनला काही मिनिटांचा कालावधी लागतो. याआधीही युक्रेनचे अनेक ड्रोन मॉस्कोच्या जवळ पोहोचले आहेत. एप्रिलच्या अखेरीस युक्रेनचा UJ-२२ ड्रोन नोंगिस्कच्या जंगलात दिसला होता. हे जंगल मॉस्कोच्या सीमेपासून अगदी जवळ आहे. या ड्रोनमध्ये कॅनडानं पाठवलेलं स्फोटक सापडलं. ड्रोनमध्ये १७ किलो M११२ स्फोटक होतं. त्यामुळे मॉस्कोच्या आतमध्ये ड्रोन पोहोचणं फारसं अवघड नाही. पण पुतीन यांचं निवासस्थान असलेल्या क्रेमलिनपर्यंत ड्रोन पोहोचणं रशियाच्या दृष्टीकोनातून चिंतेचा विषय आहे. युक्रेनच्या ड्रोन हल्ल्यांनी क्रेमलिनचं किती नुकसान झालं आहे, याबद्दलची नेमकी माहिती समजू शकलेली नाही.
