मुंबई : भारत आणि आशियाचे अतिश्रीमंत उद्योगपती मुकेश अंबानी अब्ज डॉलरच्या आर्थिक क्षेत्रात धमाका करण्याच्या तयारीत आहेत. रिलायन्स स्ट्रॅटेजिक इन्व्हेस्टमेंट्स लिमिटेडला (RSIL) रिलायन्स इंडस्ट्रीज लिमिटेडपासून वेगळे करण्याच्या त्यांच्या योजनेला भागधारक आणि कर्जदारांकडून हिरवा कंदील मिळाला आहे. प्रस्तावानुसार RSIL चे नाव जिओ फायनान्शियल सर्व्हिसेस लिमिटेड असेल. दरम्यान, डिमर्जर किंवा विभाजन योजनेनुसार रिलायन्सच्या विद्यमान भागधारकांना एका शेअरच्या मागे नवीन कंपनीचा एक हिस्सा मिळेल.

रिलायन्सचे विभाजन
गेल्या वर्षी ऑक्टोबरमध्ये कंपनीच्या बोर्डाने डिमर्जरला मंजुरी दिली होती. तर यंदा दिवाळीपूर्वी नवीन कंपनी बाजारात सूचिबद्ध होऊ शकते, असे मानले जात आहे. नियामक फाइलिंगनुसार, रिलायन्सला डिमर्जर योजनेच्या बाजूने १००% मते मिळाली. अहवालानुसार, केव्ही कामथ यांची डिमर्जरनंतर स्थापन झालेल्या कंपनीचे बिगर कार्यकारी अध्यक्ष म्हणून निवड करण्यात आली आहे.

देशातील श्रीमंत कुटुंब महत्त्वाच्या कामाआधी कोणाचा सल्ला घेतं?हे आहेत मुकेश अंबानींचे अध्यात्मिक गुरू
जिओ फायनान्शिअल पाचवी मोठी वित्तीय संस्था
दरम्यान, नेट वर्थनुसार जिओ फायनान्शियल ही देशातील पाचवी सर्वात मोठी वित्त कंपनी असेल. तर त्यांची एकूण संपत्ती कोटक महिंद्रा बँक आणि बजाज फायनान्सपेक्षा जास्त असेल. बाजार मूल्यानुसार या NBFC ची एकूण निव्वळ संपत्ती सुमारे $१०.८४ दशलक्ष असू शकते. ३१ मार्च २०२२ पर्यंत कंपनीच्या वित्तीय सेवा व्यवसायाची उलाढाल १,३८७ कोटी रुपये होती, ज्यामध्ये रिलायन्सच्या बिगर बँक कर्ज आणि वित्तीय सेवा युनिट्सचा समावेश करण्यात येत आहे.

अलीकडेच यावर्षी दिवाळीपूर्वी जिओ फायनान्शिअल सर्व्हिसेस शेअर बाजारात सूचीबद्ध होऊ शकते, असा ब्लूमबर्गच्या एका अहवालात असा दावा करण्यात आला होता.

मुंबई इंडियन्सच्या बॉसची कमाई मुकेश अंबानींपेक्षा मोठी; किती कमावतात? माहित्येय का?
के. व्ही कामत यांच्याकडे धुरा
रिलायन्सच्या नव्या कंपनीमध्ये रिलायन्स पेमेंट्स सोल्युशन्स, जिओ पेमेंट्स बँक, रिलायन्स रिटेल फायनान्स आणि रिलायन्स रिटेल इन्शुरन्स ब्रोकिंग यांचा समावेश करण्यात येईल. तसेच यामुळे बँका, NBFC आणि फिनटेक कंपन्यांना खडतर आव्हान मिळू शकते, असे तज्ज्ञांचे म्हणणे आहे. बँकिंग क्षेत्रातील दिग्गज केव्ही कामत यांना नवीन संस्थेचे गैर-कार्यकारी अध्यक्ष पदाची धुरा सोपवण्यात आली असून मॅक्लारेन स्ट्रॅटेजिक व्हेंचर्सचे सर्वोच्च अधिकारी असलेले हितेश सेठिया यांना कंपनीचे सीईओ पद सोपवण्यात आले आहे.

अनंत – राधिकाची ग्रँड एन्गेजमेंट पार्टी, मुकेश अंबानी स्वतः पाहुण्यांच्या स्वागताला हजर

दुसरीकडे, आर्थिक क्षेत्रात रिलायन्सच्या एन्ट्रीमुळे विशेषतः पेटीएम आणि बजाज फायनान्सला तगडी स्पर्धा मिळण्याची शक्यता असून गेल्या आर्थिक वर्षात रिलायन्सचा वित्तीय सेवा व्यवसाय आणि आरएसआयएलचा महसूल १५३५.६ कोटी रुपये तर एकत्रित मालमत्ता २७,९६४ कोटी रुपये राहिली.

LEAVE A REPLY

Please enter your comment!
Please enter your name here