केएल राहुल WTC मधून बाहेर, लवकरच करणार शस्त्रक्रिया; पोस्ट करत स्वतः दिली मोठी माहितीपहिल्यांदाच आधाराविना चालला ऋषभ पंत
ऋषभ पंतला दुखापत झाल्यापासून तो चालण्यासाठी काठी किंवा क्रॅचचा वापर करत होता. त्याचवेळी, पंतने शुक्रवारी, ५ मे रोजी सोशल मीडियावर एक व्हिडिओ शेअर केला आहे. या व्हिडिओमध्ये पंत आधार घेत असलेली काठी फेकून कोणत्याही आधाराशिवाय चालताना दिसत आहेत.
व्हिडिओमध्ये KGF चित्रपटाचे थीम साँगही वाजत आहे. यासोबत हा व्हिडिओ शेअर करताना पंतने त्याच्या कॅप्शनमध्ये लिहिले की, ‘Happy, no more crutches day’. २५ वर्षीय पंत सध्या बेंगळुरू येथील एनसीए अकादमीमध्ये दुखापतीतून सावरत आहे. एनसीएमध्ये आपल्या दुखापतींवर काम करत पुनर्वसन करत आहे.
दुखापतीमुळे आयपीएलमधून बाहेर
ऋषभ पंत दुखापतीमुळे आयपीएल २०२३ चा भाग होऊ शकला नाही. यामुळे त्याच्या संघ दिल्ली कॅपिटल्सचेही मोठे नुकसान झाले आहे. पंतच्या अनुपस्थितीत, दिल्ली सध्या पॉइंट टेबलमध्ये शेवटच्या स्थानावर (१०) आहे. कॅपिटल्सने आत्तापर्यंत खेळलेल्या ९ पैकी ६ सामने गमावले आहेत, तर ३ सामने जिंकले आहेत. त्यामुळे पंत आता जागतिक कसोटी चॅम्पियनशिपच्या अंतिम फेरीतही दिसणार नाही. त्याचबरोबर आगामी एकदिवसीय विश्वचषक स्पर्धेतही या स्टार यष्टीरक्षक फलंदाजाला खेळणे कठीण आहे. पंतया दुखापतीतून रिकव्हर होण्यासाठी सर्वतोपरी प्रयत्न करत आहे. त्यामुळे लवकरच संघात परतेल, अशी आशा आहे.
विराटचा मेलबर्नमध्ये वाढदिवस साजरा, खास केक कापून केलं सिलेब्रेशन
