ट्रेन स्टेशनवर थांबताच हाहाकार माजला, लोक खिडक्या तोडून सैरावैरा पळू लागले, VIDEO पाहून हादरालदुसरीकडे, लिलियनच्या कुटुंबीयांना तिची काळजी वाटू लागली. बराच वेळ झाला लिलियनशी संपर्क होत नसल्याने त्यांनी थेट पोलिसांना या घटनेची माहिती दिली. पण, लिलियनला त्यांच्याबद्दल काहीच माहिती नव्हती. त्यामुळे लिलियनला शोधण्यासाठी हेलिकॉप्टरची मदत घेण्यात आली, त्यानंतर शोध पथकाला जंगलात एक कार दिसली. त्यानंतर लिलियनपर्यंत पोहोचण्यात पोलिसांना यश आलं आणि तिची सुटका करण्यात आली. मात्र, चिखल आणि दलदलीमुळे बचावकार्यात अडचण आली.
पाहा व्हिडिओ-
लिलियनने सांगितले की, तिच्याकडे खाण्यापिण्यासाठी विशेष काही नव्हते. तिच्याकडे फक्त लॉलीपॉप आणि स्नॅक्सची कीह पकिटं आणि वाईनची बाटली होती. याच्या भरवश्यावर तिने पाच दिवस काढले. जेव्हा बचाव पथकाने हे ऐकले की लिलियन इतके दिवस लॉलीपॉप खाऊन आणि दारू पिऊन जगली तेव्हा त्यांना आश्चर्याचा धक्का बसला. हा व्हिडिओ शेअर करताना रेस्क्यू टीमने लिहीले की, ‘तो क्षण पाहा जेव्हा एअर विंगने घनदाट जंगलात पाच दिवसांपासून बेपत्ता असलेल्या महिलेचा शोध घेतला’.
या घटनेबाबत, स्थानिक पोलीस प्राधिकरणाचे सार्जंट मार्टिन टॉर्प म्हणाले – लिलियन दारू पीत नाही. ती वाईनची बाटली तिने भेट द्यायला घेतली होती. पण, परिस्थिती अशी बनली की तिला दारु पिऊन रहावे लागले. लिलियनने स्वत:साठी काही स्नॅक्स आणि लॉलीपॉप घेतले होते पण ती पाणी घ्यायला विसरली होती. पण, पाच दिवस फक्त दारुवर ती जगत होती त्यामुळे पोलिसांनाही आश्चर्य वाटत आहे.
