म. टा. प्रतिनिधी, सांगली: सांगलीतील वाल्मिकी आवास परिसरात दोन अज्ञात तरुणांनी एका व्यावसायिकाला चाकूचा धाक दाखवून लुटले. १८ ते २० वयोगटातील तरुणांनी व्यावसायिकाचा मोबाइल आणि पाच हजार रुपयांची रोकड लंपास केली. मंगळवारी दुपारी हा प्रकार घडला. याबाबत चंपालाल कोटेचा (वय ४९, रा. कलानगर) या व्यावसायिकाने शहर पोलीस ठाण्यात तक्रार दिली आहे.

पोलिसांनी दिलेल्या माहितीनुसार, दीपक कोटेचा हे दुचाकीवरून मंगळवारी दुपारी एक वाजताच्या सुमारास जुना बुधगाव रस्त्यावरून निघाले होते. वाल्मिकी आवास परिसरात १८ ते २० वर्षे वयोगटातील दोन तरुणांनी त्यांना आडवले. चाकूचा धाक दाखवत त्यांना जीवे मारण्याची धमकी दिली. त्यानंतर त्या दोघांनी त्यांच्याकडील मोबाइल, पैशांचे पाकीट आणि दुसऱ्या खिशातील पाच हजार रुपये काढून घेतले. यासह पाकिटातील एटीएम कार्ड, आधार कार्ड आणि लायसन्स घेऊन ते पसार झाले. भरदिवसा व्यावसायिकाला लुटल्याच्या घटनेने शहरात खळबळ उडाली. या प्रकरणी दीपक कोटेचा यांनी सांगली शहर पोलीस ठाण्यात तक्रार दाखल केली असून, अज्ञात चोरट्यांविरोधात गुन्हा दाखल करण्यात आला आहे. पोलीस त्यांचा शोध घेत आहेत.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

5 COMMENTS

  1. Hi there, after reading this amazing paragraph i am as well delighted to share my knowledge here with friends.

Leave a Reply to แผ่นกรองหน้ากากอนามัย Cancel reply

Please enter your comment!
Please enter your name here