वणी येथील एका दुकानाच्या पुढे असलेल्या भागातील फरशीच्या पोकळीत हा साप शिरला होता. तो पकडल्यानंतर हा नाग विशेष श्रेणीतला असून, अल्बिनो जातीच्या धूळ नागीण प्रकारातील असल्याचे सर्पमित्र पवार यांनी सांगितले. पश्चिम महाराष्ट्रात क्वचित आढळणारा “धूळ नागीण” जातीचा बिनविषारी सर्प अतिशय चपळ आहे. इंग्रजीमध्ये त्याला “रेसर” म्हटले जाते. बोली भाषेत चितळ्या पट्टेरी नागिन आणि चित्रांग मायकल या नावाने ओळखले जाते. या सर्पाची लांबी एक ते दीड मीटरपर्यंत असते. रंग फिकट किंवा गडद तपकिरी असतो. हा नाग बिनविषारी आहे, परंतू असा साप लाखात एक असा सापडतो. रंग भुरकट, डोळ्यांचा रंग गडद लाल, जिभेचा रंगही लाल असतो.
हायस्कूलमध्ये प्राध्यापक, १९९२ च्या दंगलीनंतर आयुष्य बदललं; शिक्षकी पेशातील विश्वनाथ महाडेश्वर महापौर कसे झाले?अशा दुर्मिळ जातीचा साप जिल्ह्यात पहिल्यांदाच आढळून आल्याचे पवार यांनी यावेळी सांगितले. यापूर्वी अल्बिनो४ जातीची मण्यार लखमापूर येथे आढळून आली होती. ती ही पकडून जंगलात सोडण्यात आली होती. तसेच पकडण्यात आलेली “धूळ नागीण” प्रजातीची नागीण वणी येथील जंगलात सोडण्यात आली आहे. साप आढळून आला की तो कोणत्या प्रकारातला साप आहे, याबाबत नागरिकांमध्ये जागरूकता आढळून येते आहे. अनेक सापांच्या दुर्मीळ जाती वणी परिसरात आढळून येत असल्याचे पवार यांनी सांगितले.
वणी येथील व्यापाऱ्याच्या दुकानात बाहेर असलेल्या पायरींच्या पोकळीत हा साप शिरल्यानंतर एकच खळबळ उडाली होती. त्यानंतर प्रचंड भीतीचे वातावरण देखील निर्माण झाले होते. परंतू सर्पमित्राला पाचारण केल्यानंतर व्यवस्थितरित्या या सापाचे रेस्क्यू करण्यात आले असून, त्याला एका जंगलात सोडण्यात आलं आहे.
