शेतात काय घडतंय,क्षणाक्षणाची अपडेट फोनवर मिळणार, शेतकऱ्याची भन्नाट आयडिया, अफलातून प्रयोगाची सर्वत्र चर्चाजिल्ह्यात कुठेही ऑर्किड फुलशेती केली जात नसल्याने जोखीम असल्याचं लक्षात घेऊन प्रसाद यांनी आपल्या साडेतीन एकर जागेत शेडनेट उभारून ऑर्किड फुलाच्या रोपांची लागवड केली. यासाठी प्रसाद यांनी बँकॉक येथून ऑर्किड या रोपांची आयात केली. आपल्या साडेतीन एकर जागेत शेडनेट उभारत एकरी मागे ४० हजार ऑर्किड फुलांच्या रोपांची लागवड केली. सध्या साडेतीन एकर जागेत त्यांनी दीड लाखांच्या जवळपास ऑर्किड फुलांच्या रोपांची लागवड केली आहे.
ऑर्किड फुलांच्या लागवडीसाठी मोठा खर्च येत असला तरी एकदा या रोपांची लागवड केली की किमान सहा ते सात वर्षे उत्पन्न मिळतं. सध्या ऑर्किड फुलाच्या एका स्टिकची किंमत २० ते २५ रुपये मिळत असून महिन्याकाठी किमान ५० ते ६० हजार स्टिक विकल्या जात असल्याचं प्रसाद सावे यांनी सांगितलं आहे. त्यामुळे प्रसाद सावे यांना या ऑर्किड फुलशेतीपासून महिन्याकाठी १५ लाख रुपयांपर्यंत उत्पन्न मिळत आहे.
Akola News: आठवड्याला १३ क्विंटल उत्पादन, खारपाण पट्टयात फुलवली शिमला मिरचीची शेती; शेतकऱ्यांची लाखोंची कमाई
सध्या सुशिक्षित तरुण नोकरीनिमित्त शहरांकडे वळत असून आपल्या पारंपरिक शेतीकडे पाठ फिरवताना दिसतात. मात्र याच शेतीत योग्य प्रकारे प्रशिक्षण, माहिती घेऊन नाविन्यपूर्ण प्रयोग केल्यास या तरुण शेतकऱ्यांना आपली आर्थिक घडी मजबूत करण्यात फार काळ लागणार नाही हे प्रसाद सावे यांनी सिद्ध केलं आहे.
