chennai super kings, CSK vs DC: दिल्लीला आता प्लेऑफ गाठणे ‘मुश्किल ही नही नामुमकीन’, चेन्नई सुपर किंग्जकडून लाजिरवाणा पराभव – ipl 2023 csk vs dc delhi lost match chennai super kings beat delhi capitals by 27 runs

चेन्नई: आयपीएल २०२३ चा ५५ वा सामना चेन्नई सुपर किंग्ज आणि दिल्ली कॅपिटल्स यांच्यात बुधवारी, ९ मे रोजी चेपॉक मैदानावर खेळला गेला. हा सामना घरचा संघ चेन्नई सुपर किंग्सने २७ धावांनी सहज जिंकला. चेन्नईचा या मोसमातील हा ७ वा विजय होता. यामुळे ते आता १५ गुणांसह गुणतालिकेत दुसऱ्या स्थानावर आहेत. या पराभवासह दिल्ली कॅपिटल्सचा प्लेऑफच्या शर्यतीतील प्रवास जवळपास संपला आहे. आता प्लेऑफमध्ये पोहोचणे त्यांच्यासाठी जवळपास अशक्य आहे. चेपॉकमध्ये चेन्नईला पराभूत करण्यात दिल्लीला गेल्या १३ वर्षांपासून अपयश आले आहे. या सामन्यात सीएसकेने दिल्लीचा एकतर्फी पराभव केला.चेन्नई सुपर किंग्जचा कर्णधार महेंद्रसिंग धोनीने दिल्ली कॅपिटल्सविरुद्ध नाणेफेक जिंकून प्रथम फलंदाजी करण्याचा निर्णय घेतला. अशा स्थितीत प्रथम फलंदाजी करताना चेन्नईने निर्धारित २० षटकांत ८ विकेट गमावत १६७ धावा केल्या होत्या. चेन्नईकडून शिवम दुबेने सर्वाधिक २५ धावा केल्या, याशिवाय ऋतुराज गायकवाड आणि अंबाती रायडू यांनीही अवघड विकेटवर चांगली फलंदाजी केली. शेवटी एमएस धोनीची ९ चेंडूत २० धावांची झंझावाती खेळी खूप महत्त्वाची होती. तर रवींद्र जडेजानेही २१ धावांची चांगली खेळी केली. याशिवाय दिल्लीकडून मिचेल मार्शने ३ विकेट घेतल्या. यामुळे तो सर्वात यशस्वी गोलंदाज ठरला. अक्षर पटेलनेही २ विकेट्स घेतल्या. खलील अहमद, ललित यादव आणि कुलदीप यादव यांनाही १-१ असे यश मिळाले.

CSK vs DC Highlights: दिल्लीने नांगी टाकली, चेन्नई सुपर किंग्जचा शेवटच्या चेंडूवर २७ धावांनी विजय
दिल्ली कॅपिटल्सची फलंदाजी ढेपाळली

चेपॉकच्या अवघड विकेटवर दिल्ली कॅपिटल्सची फलंदाजी पत्त्याच्या घरासारखी पडली. चेन्नईच्या गोलंदाजांनी त्यांना आपल्या जाळ्यात पकडले आणि खेळपट्टीवर १-१ धावांपर्यंत मजल मारली. त्यामुळे दिल्लीला निर्धारित २० षटकांत ८ गडी गमावून केवळ १४० धावाच करता आल्या आणि सामना २७ धावांनी गमवावा लागला. दिल्लीकडून रिले रुसोने सर्वाधिक ३५ धावा केल्या.

IPL 2023: धावांचा डोंगर उभा करण्यासाठी जीवाचे रान केले; उटली करत पोहोचला पॅव्हेलियनमध्ये…
मनीष पांडेनेही २७ धावांची धडाकेबाज खेळी केली. चेन्नईच्या गोलंदाजांबद्दल बोलायचे तर CSK कडून मथिशा पाथिरानाने सर्वाधिक ३ बळी घेतले. दीपक चहरलाही २ बळी मिळाले. रवींद्र जडेजानेही १ विकेट आपल्या नावावर केली. मात्र, दिल्लीचा या मोसमातील हा ७ वा पराभव ठरला. खेळल्या गेलेल्या ११ सामन्यांत त्याला केवळ ४ सामने जिंकता आले. DC सध्या ८ गुणांसह गुणतालिकेत तळाशी आहे.

ODI World Cup 2023: भारत-पाकिस्तान मॅचची तारीख ठरली; वनडे वर्ल्डकपच्या वेळापत्रकाबाबत आली मोठी अपडेट