ठाकरेंना कोर्टाच्या निकालाचा अर्थ कळला, आता जनतेत जायचं, पाठीराख्याच्या वाढदिवसाला नगरमध्ये!
सुप्रिया सुळेंवर टीकास्त्र
‘शरद पवार यांनी राष्ट्रवादीच्या अध्यक्षपदाचा राजीनामा दिल्यानंतर खासदार सुप्रिया सुळे यांचे नाव पुढे येईल, असे वाटले होते. मात्र त्या तेथे सक्षम ठरल्या नसल्याचे सांगून बारामती मतदारसंघातही खासदार सुळे या सक्षम नाहीत. या लोकसभा मतदारसंघात सध्या परिवर्तन हवं आहे. गेली १५ वर्ष एकच व्यक्ती खासदार म्हणून निवडून जात आहे. शिवाय आमचा घराणेशाहीला विरोध आहे. त्यामुळे मी बारामती लोकसभा मतदारसंघाची निवडणूक लढवणार आहे,’ असं तृप्ती देसाई यांनी म्हटलं आहे.
पुढे बोलताना देसाई म्हणाल्या की, ‘याआधी राष्ट्रवादीचे अध्यक्ष शरद पवार, विरोधी पक्षनेते अजित पवार हे खासदार म्हणून निवडून गेले. त्यानंतर सुप्रिया सुळे खासदार झाल्यानंतर आम्हाला आनंद झाला होता की एखादी महिला या मतदारसंघाची प्रतिनिधित्व करत आहे. मात्र १५ वर्षांपासून त्या बारामती मतदारसंघाचे प्रतिनिधित्व करत आहेत. २०२४ च्या लोकसभा निवडणुकीत तरी त्यांच्या पदाधिकाऱ्यांना व कार्यकर्त्यांना संधी मिळेल असे वाटत होते. मात्र खासदार सुळे याच पुन्हा मतदारसंघात फिरताना दिसतात. इतक्या वर्षांपासून काम करत असणारे कार्यकर्ते-पदाधिकारी केवळ सतरंज्या उचलण्यापुरतेच आहेत काय?’ असा सवाल उपस्थित करून देसाई यांनी सुप्रिया सुळेंवर निशाणा साधला.
