District Election Commissions : जिल्हा निवडणूक आयोगाने माहिती मागविल्याने पुणे लोकसभेची पोटनिवडणूक लागण्याची चर्चा रंगली आहे.

 

vote12
पुणे लोकसभेची पोटनिवडणूक लागण्याची चर्चा
म. टा. प्रतिनिधी, पुणे : पुणे लोकसभा मतदारसंघाची जागा रिक्त झाल्याने जिल्हा निवडणूक आयोगाने पोटनिवडणुकीची तयारी सुरू केली आहे. त्यासाठी महापालिकेकडूनही आवश्यक माहिती मागविण्यात आली आहे. पोटनिवडणूक जाहीर झाली नसली, तरी ती जाहीर झाल्यास गडबड होऊ नये, यासाठी ही प्रक्रिया सुरू करण्यात आली आहे.खासदार गिरीश बापट यांच्या निधनाने पुणे लोकसभा मतदारसंघाची जागा रिक्त झाली आहे. परिणामी येथे पोटनिवडणूक लागण्याची शक्‍यता गृहीत धरून ही तयारी सुरू करण्यात आली आहे. जिल्हा निवडणूक विभागाने यासाठी, महापालिकेत कार्यरत असलेल्या राजपत्रित अधिकाऱ्यांची माहिती महापालिका प्रशासनाकडून तातडीने मागविली आहे. त्याला उत्तर देताना महापालिकेने १५ राजपत्रित अधिकाऱ्यांची माहिती कळविली आहे. त्यामुळे पुण्याच्या पोटनिवडणुकीचे बिगुल वाजण्याची शक्यता असल्याची चर्चा सुरू झाली आहे.

Supriya Sule : भाजपने लोकसभेचं तिकीट द्यावं, मी बारामतीत इतिहास घडवेन; महिला नेत्याने सुप्रिया सुळेंना ललकारलं!
२०१९मध्ये लोकसभा निवडणुकीत पुणे लोकसभा मतदारसंघातून गिरीश बापट हे खासदार म्हणून निवडून गेले होते. मात्र, लोकसभेची मुदत पूर्ण होण्यापूर्वीच २९मार्च २०२३ रोजी त्यांचे निधन झाले. त्यामुळे ही जागा रिक्‍त आहे. नियमानुसार, लोकसभा मतदारसंघाची जागा रिक्‍त झाल्यानंतर सहा महिन्यांच्या आत त्या ठिकाणी निवडणूक घेतली जाते. सध्या विद्यमान लोकसभा सभागृहाची मुदत संपण्यास अद्याप वर्षभराचा कालावधी शिल्लक आहे. त्यामुळे या मतदारसंघाची पोटनिवडणूक कधीही जाहीर होण्याची शक्‍यता असल्याने निवडणूक विभागाने तयारीला सुरुवात केली आहे, अशी माहिती सूत्रांनी दिली.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here