महाठग राशिद नसीमने मध्यमवर्गीय लोकांना टार्गेट करून त्यांना घराचे स्वप्न दाखवून प्लॉट आणि घराच्या नावावर सुमारे ६० हजार कोटी रुपयांची फसवणूक केली. फसवणूक झालेल्या लोकांनी एफआयआर दाखल केल्यानंतर पोलिस सक्रिय झाले. मात्र, तोपर्यंत मास्टरमाइंड रशीद नसीम भारत सोडून दुबईला पळून गेला होता.
Ruja Ignatova: सौंदर्याला भुलले, बातांमध्ये फसले… कोण आहे क्रिप्टो क्वीन? जगाला लावला ९० हजार कोटींचा चुना
४००० हून अधिक गुन्हे
आतापर्यंत शाईन सिटी कंपनी आणि त्याचा एमडी राशिद नसीम, त्याचा भाऊ आसिफ नसीम तसेच कंपनीचे ४० हून अधिक अधिकारी आणि कर्मचारी यांच्याविरुद्ध लखनऊसह राज्यातील अनेक जिल्ह्यांमध्ये तसेच राज्यांमध्ये फसवणुकीचे हजारो गुन्हे दाखल करण्यात आले आहेत. दिल्ली, बिहार, पश्चिम बंगाल, गुवाहाटी येथे गुन्हे दाखल करण्यात आले असून देशात शाईन सिटी कंपनीच्या फसवणुकीतील बळींची संख्या १० लाखांहून जास्त आहे. एवढंच नाही तर राशिद नसीम आणि त्याचा भाऊ आसिफ नसीम विरोधात उत्तर प्रदेशातील वेगवेगळ्या जिल्ह्यांमध्ये ४००० हून अधिक गुन्हे दाखल असून लखनऊच्या गोमतीनगर पोलिस ठाण्यात २३८ गुन्हे दाखल आहेत.
पोलिसांकडून बक्षीस जाहीर
लखनऊ पोलिसांनी दोन्ही भावांवर प्रत्येकी ५० हजार रुपयांचे बक्षीस जाहीर केले असून वाराणसी पोलिसांनी प्रत्येकी २५ हजार रुपयांचे बक्षीस ठेवले आहे. याशिवाय ईडीने देखील दोन्ही महाठग बंधूंसह शाईन सिटी कंपनीच्या सहा अधिकाऱ्यांवर मनी लाँड्रिंग कायद्यांतर्गत गुन्हा दाखल केले आहेत.
एसबीआयमध्ये वाढताय सायबर गुन्हे; तीन वर्षांत फसवणुकीचे १२ हजार प्रकार
कोण आहे राशिद नसीम?
राशिद नसीम हा मूळचा प्रयागराज कारेलीच्या GTB नगरचा रहिवासी आहे. त्याने सुमारे २० वर्षांपूर्वी तो मल्टी लेव्हल मार्केटिंग कंपनी स्पीक एशियाचे अल्पवयीन एजंट होता, असे म्हटले जाते. कंपनीच्या फसवणुकीच्या योजना समजल्यानंतर तो नोकरी सोडून लखनऊला आला, जिथे त्याने हजरतगंजच्या दालीबाग भागात असलेल्या ग्रँड न्यू अपार्टमेंटमध्ये पेंट हाउस खरेदी केले. जानेवारी २०१३ मध्ये त्याने शाईन सिटी इन्फ्रा प्रोजेक्ट प्रायव्हेट लिमिटेड नावाची रिअल इस्टेट कंपनी सुरू केली, जिचे कार्यालय गोमतीनगरच्या आर स्क्वेअर मॉलमध्ये बांधण्यात आले.
आपल्या कंपनीद्वारे नसीमने स्वस्त दरात प्लॉट देण्याचे आश्वासन देऊन फसवणुकीचा भ्रम पसरवण्यास सुरुवात केली. महाठग राशिद नसीकडे एक इंचही जमीन नव्हती पण त्याने राजधानी लखनऊच्या सीमेवर असलेल्या भागात रिअल इस्टेट प्रकल्पाचा प्रचार सुरू केला. राशिदने आपल्या प्रकल्पाचे होल्डिंग शेतात लावण्यासाठी शेतकऱ्यांची संपर्क साधला. यासाठी तो शेतकऱ्यांना दरमहा २०-२५ हजार रुपये भाडे द्यायचा. आणि फक्त एक होर्डिंगसाठी इतके रुपये मिळताना पाहून शेतकरीही सहज मान्य करायचे.
‘क्रिप्टो कॉइन’च्या नावाने नाशिककरांना लावला चुना; कोट्यवधी लुटून कर्नाटकातील संशयित पसार, काय घडलं?
अशाप्रकारे शेतात विविध ठिकाणी आपल्या गृहनिर्माण योजनांचे होर्डिंग लावून लोकांना आपली प्रकल्पाची जागा दाखवून पैसे जमवण्यास सुरुवात केली. राशिदने संपूर्ण राज्यात आणि नंतर देशातील अनेक राज्यांमध्ये फसवणुकीचे जाळे पसरवले. आकर्षक कमिशनचे आमिष दाखवून त्याने छोट्या जिल्हे आणि शहरांमध्ये आपल्या एजंटांमार्फत गुंतवणुकीचा नफा, प्लॉट आणि घरे देण्याच्या नावाखाली लोकांकडून कोट्यवधी रुपये उकळले.
घराचे स्वप्न दाखवून कोट्यवधींची फसवणूक
राशिदने लोकांना घरे बांधून देण्याचे आश्वासन देत अनेकांकडून मोठी रक्कम उकळली. त्याने २०० रुपये प्रति चौरस फूट ते १००० रुपये प्रति चौरस फूट २-१० लाख रुपयांपर्यंत भूखंड विकण्याच्या योजना सुरू केल्या. वेगवेगळ्या आकाराच्या प्लॉट्ससाठी २० हजार ते एक लाख रुपयांपर्यंतची बुकिंग रक्कम जमा करण्यात आली आणि किमान मासिक हप्ता ३००० ते २ लाख रुपयांपर्यंत निश्चित करण्यात आला. हे हप्ते माफक होते, त्यामुळे अधिकाधिक लोक त्याला सामील झाले. लोकांना आकर्षित करण्यासाठी त्यांनी भूखंडाच्या सीमाभिंतीच्या बांधकामावर ५०% सवलत आणि बांधकामावर २०% सवलत देऊ केली होती.
फसवणुकीचं जाळं पसरवलं
शाईन सिटी संचालकांनी जमिनीशी संबंधित योजनांमध्ये गुंतवणूक केल्यानंतर इतर आकर्षक योजना सुरू केल्या होत्या. अगोदरच आपल्या योजनांच्या सापळ्यात अडकलेल्या गुंतवणूकदारांना हिऱ्यांचे हार, स्कॉर्पिओपासून स्वस्त दरात बिटकॉइन्सपर्यंतच्या योजनांद्वारे गुंतवणूक वाढविण्याचे आमिष दाखवून त्यांना टार्गेट केले. तर कंपनी त्यांच्या माध्यमातून नवीन गुंतवणूकदारांपर्यंत पोहोचली. तपासात आतापर्यंत ५८ योजना समोर आल्या, ज्यातून फसवणूक करण्यात आली. यामध्ये एका वर्षात जमा केलेल्या एकूण रकमेचा परतावा आणि रोख जमा केल्यावर दरमहा परतावा यासारख्या योजनांचाही समावेश आहे. आता वेगवेगळ्या गुंतवणुकीचा तपशील आणि त्याबाबत केलेल्या फसवणुकीचा तपास सुरू आहे.
जॉर्जियाचे नागरिकत्व मिळवण्याचा प्रयत्न
२०१७ पासून राशिद सध्या दुबईत असल्याची माहिती मिळत असताना देशातून पळून गेल्यानंतर तो दुसऱ्या देशाचे नागरिकत्व मिळावण्याचा प्रयत्न करत आहे. दुबई नागरिकत्व देत नाही, म्हणून रशीदने जॉर्जियामध्ये अर्ज केल्यास समजले आहे.
