फडणवीस आता महाराष्ट्रात ही एक गोष्ट करताना दहावेळा विचार करतील, कर्नाटक निकालानंतर सुषमा अंधारेंचं भाकीत
कर्नाटकमध्ये भाजपला ६५ ठिकाणी यश मिळाले, तर काँग्रेसला तब्बल १३३ जागांवर यश मिळेल, असे दिसत आहे. याचा अर्थ काँग्रेसला भाजपपेक्षा दुप्पट जागा मिळाल्याचे दिसत आहे. भाजपचा सपशेल पराभव करण्याची भूमिका कर्नाटकच्या जनतेने घेतली. याचे मुख्य कारण भ्रष्टाचार, सत्तेचा, साधनांचा गैरवापर आणि लोक फोडन आपण राज्य करु शकतो, याविषयी सत्ताधाऱ्यांना असलेला विश्वास याविरोधात जनतेमधून तीव्र प्रतिक्रिया उमटली. कर्नाटकमध्ये भाजपच्या अनेक वरिष्ठ नेत्यांनी सभा घेतल्या. याठिकाणी जनतेचा रोष व्यक्त होईल, ही खात्री होती, असे शरद पवार यांनी म्हटले.
Karnataka Election Result: निपाणीत पवारांच्या सभेने काँटे की टक्कर, शेवटपर्यंत झुंजायला लावलं, पण अखेर भाजपचा गुलालकर्नाटकमध्ये भाजपचा पराभव करण्यासाठी राष्ट्रवादी काँग्रेसचे उमेदवार
कर्नाटक विधानसभा निवडणुकीत राष्ट्रवादी काँग्रेसने उमेदवार रिंगणात उतरवले होते. याविषयी बोलताना शरद पवार यांनी म्हटले की, कर्नाटकात राष्ट्रवादी काँग्रेस शक्तिशाली पक्ष नाही. आम्ही एक प्रयत्न म्हणून ७ उमेदवार उभे केले. त्यापैकी निपाणी मतदारसंघातील उमेदवाराला आम्ही शक्ती दिली होती, तिथे काही निर्णय मिळतील, अशी अपेक्षा होती. आतापर्यंत आकडेवारी पाहता, आमचा उमेदवार पहिल्या पाच फेऱ्यांपर्यंत पहिल्या क्रमांकावर होता. पण आता तो दुसऱ्या क्रमांकावर आहे. अजूनही चार फेऱ्या बाकी आहेत, अंतर सहा हजारांचे आहे. तिथे यश नक्की मिळेल याची खात्री नाही. पण एखाद्या राज्यात एन्ट्री करण्याच्यादृष्टीने आम्ही हा निर्णय घेतला होता. आमचं खरं लक्ष्य हे कर्नाटकमध्ये भाजपचा पराभव करणे, हेच होते, असे शरद पवार यांनी म्हटले.
