नाशिक : जेवणासाठी हॉटेलच्या शोधात निघालेल्या तीन मित्रांच्या भरधाव दुचाकीची एसटी बसला धडक बसली. या अपघातात नाशिक येथील संदीप फाऊंडेशन या महाविद्यालयात शिक्षण घेणाऱ्या अभियांत्रिकीचे दोघे विद्यार्थी ठार झाले आहेत तर तिसरा विद्यार्थी जबर जखम झाल्याची घटना घडली आहे.पोलिसांनी दिलेल्या माहितीनुसार, शुभम प्रशांत सोनवणे (२१, रा. व्हीआयपी कॉलनी, भुसावळ) व शुभम संतोष कोकाटे (२१, रा. महाराणा प्रताप चौक, सिडको) अशी मृतांची नावे आहेत. जयेश अरुण महाजन (२१, रा. म्हसवड, ता. जि. जळगाव) असे जखमी झालेल्या विद्यार्थ्याचे नाव आहे.

तिघे मित्र शुक्रवारी (दि. १२) मध्यरात्री दोन वाजताच्या सुमारास दुचाकीवरून भरधाव वेगात सिडकोतून त्र्यंबक रोडकडे येत होते. ते जिल्हा रुग्णालया जवळ आले असता राज्य मार्ग परिवहन महामंडळाच्या धावत्या बसच्या टूलबॉक्सवर पाठीमागून जाऊन आदळले. त्यात गंभीर जखमी होऊन दुचाकी वरील दोघांचा मृत्यू झाला.

गर्भवती प्राध्यापिकेने आयुष्य संपवलं, पतीच्या व्हॉट्सअप चॅटमुळे अनैतिक संबंध कोर्टात उघड
दरम्यान, तिघेही विद्यार्थी संदीप फाउंडेशनच्या अभियांत्रिकी महाविद्यालयात पदवीचे शिक्षण घेत होते. जेवण करण्यासाठी तिघे जण एकाच दुचाकीवरून नवीन सीबीएस परिसरात आले. ते जिल्हा रुग्णालयाकडून त्र्यंबक नाक्याच्या दिशेने भरधाव वेगात जात असताना बस स्थानकात वळण घेणाऱ्या बसवर जाऊन आदळल्याने हा अपघात झाला.

एसटी चालकाचा महामार्गावर अंदाज चुकला अन् बस थेट रस्ते दुभाजकावर चढली; ४७ प्रवासी थोडक्यात बचावले

या घटनेची माहिती मिळताच सरकार वाडा पोलीस ठाण्याचे पोलीस अधिकारी आणि कर्मचारी तात्काळ घटनास्थळी दाखल झाले पोलिसांनी पंचनामा करून गुन्हा दाखल केला.

पदरात पाच महिन्यांची लेक, निवृत्त पोलिसाच्या सुनेचा गूढ मृत्यू, माहेरच्या मंडळींना संशय
रात्रीची वेळ असल्याने हॉटेल बंद होईल आणि जेवण मिळणार नाही म्हणून दुचाकीवर वेगात जात असताना हा अपघात घडला आणि दुचाकी वरील तिघा मित्रांमधील दोघांचा दुर्दैवाने जागेवरच मृत्यू झाला. तर यात तिसरा मित्र गंभीर जखमी झाला असून त्याची प्रकृती देखील चिंताजनक असल्याची माहिती पोलिसांनी दिली आहे. शुभम सोनवणे आणि शुभम कोकाटे हे दोन्ही कुटुंबातील एकुलती एक मुले होती.

LEAVE A REPLY

Please enter your comment!
Please enter your name here