या प्रकरणी महाड एमआयडीसी पोलीस ठाण्यात संशयित आठ आरोपींच्या विरोधात गुन्हा दाखल करण्यात आला आहे. हा सगळा वाद एका नाजूक प्रकरणातून झाल्याचा प्राथमिक अंदाज महाड एमआयडीसीच्या पोलिसांकडून वर्तवण्यात आला आहे. या प्रकरणी गुन्हा दाखल करण्यात आलेल्या आठही संशयित आरोपींना महाड एमआयडीसी पोलिसांनी अटक केली आहे.
हा सगळा थरारक प्रकार महाड तालुक्यात चांढवे बुद्रुक चांदनगर या सार्वजनिक रस्त्यावरती घडला आहे. या सगळ्या धक्कादायक प्रकाराची माहिती मिळताच महाडचे प्रभारी उपविभागीय पोलीस अधिकारी प्रशांत स्वामी, सहाय्यक पोलीस निरीक्षक मारुती आंधळे यांनी घटनास्थळी भेट दिली.
गर्भवती प्राध्यापिकेने आयुष्य संपवलं, पतीच्या व्हॉट्सअप चॅटमुळे अनैतिक संबंध कोर्टात उघड
या हल्ल्यात जखमी झालेला तरुण उनित जाधव याची प्रकृती गंभीर असल्याने त्याला महाड ग्रामीण रुग्णालय येथे प्रथमोपचार करून मुंबई येथे हलविण्यात आले आहे तर विकास जाधव व दिपेश पवार या दोन तरुणांवर महाड ग्रामीण रुग्णालय येथे उपचार सुरू आहेत.
यामध्ये संशयित आरोपी प्रथम संतोष सकपाळ, संकेत संतोष सोनवणे, सनी भागुराम सकपाळ, प्रथमेश बायज्या सकपाळ, विकी भीमराव सकपाळ, सुजित सुनील सकपाळ, सुजल भागुराम सकपाळ हे सगळे राहणार धारवली ता. पोलादपूर तर सनी महेंद्र सोनवणे (राहणार वीर तालुका महाड) या संशयित आठ जणांविरोधात हाफ मर्डरचा गुन्हा दाखल करण्यात आला आहे.
Jalgaon News : लग्न सोहळ्यावरुन परतताच आक्रित, विवाहितेचा मृत्यू, कारण महाराष्ट्राची धाकधूक वाढवणारं
भा. दं. वि. कलम ३०७, १४३, १४७, १४८, १४९, ३५२ अन्वये गुन्हा दाखल करण्यात आला आहे. या सगळ्या प्रकरणातील गुन्ह्याचा अधिक तपास महाड एमआयडीसी पोलीस ठाण्याचे सहाय्यक पोलीस निरीक्षक मारुती आंधळे हे करीत आहेत.
