सूत्रांच्या माहितीनुसार, ज्येष्ठत्व, भाजपला टक्कर देऊन सरकार चालविण्याचा पूर्वानुभव व मुख्य म्हणजे बहुतांश आमदारांचा पाठिंबा या त्रिसूत्रीवर ७५ वर्षीय सिद्दरामय्या यांचे पारडे चांगलेच जड आहे. तूर्तास कर्नाटक सरकारमध्ये उपमुख्यमंत्रिपद किंवा अन्य तोलामोलाची जबाबदारी स्वीकारण्याबाबत ६१ वर्षीय शिवकुमार यांना खुद्द सोनिया गांधी यांनी समजावले तर मुख्यमंत्री निवडीचा पेच सुटू शकतो.
‘महाराष्ट्र टाइम्स’ला मिळालेल्या माहितीनुसार, काँग्रेस महासचिव के. सी. वेणुगोपाल व सुशीलकुमार शिंदे यांच्यासह काँग्रेस निरीक्षकांनी निकालानंतर बेंगळुरू येथे घेतलेल्या बैठकीत मुख्यमंत्रिपदासाठी शिवकुमार यांना १३५पैकी केवळ २० ते २५ आमदारांनी पसंती दर्शवली. बहुतांश आमदारांनी सिद्दरामय्या यांच्या बाजूने कौल दिला. मात्र पक्षाचे संकटमोचक असलेले शिवकुमार हेही मागे हटण्यास अखेरपर्यंत तयार नाहीत. ते सोमवारीच दिल्लीत येणे अपेक्षित होते, मात्र त्यांच्या ज्योतिषाच्या सल्ल्यावरून त्यांनी सोमवारची दिल्ली भेट टाळली, असेही समजते.
दोन्ही नेत्यांबरोबर पक्षनेतृत्वाने मंगळवारी दिवसभर चर्चेच्या अनेक फेऱ्या केल्या. राहुल गांधी मंगळवारी दुपारी साडेबारा वाजता खर्गे यांच्या घरी पोहोचले. दोन्ही नेत्यांसह त्या बैठकीत सरकार स्थापनेच्या तीन सूत्रांवर चर्चा झाली. मात्र मुख्यमंत्री आणि उपमुख्यमंत्री या सूत्रासाठी शिवकुमार तयार नव्हते. त्यांनी एक भूमिका सातत्याने कायम ठेवली आहे. ती म्हणजे, आपण पक्षाची फसवणूक करणार नाही किंवा कोणतेही पद मिळवण्यासाठी पक्षाला ब्लॅकमेल करणार नाही. ‘आमचे पुढील आव्हान (लोकसभा निवडणुकीत) २० जागा जिंकण्याचे आहे. मी एक जबाबदार कार्यकर्ता असून पक्षाशी गद्दारी करणार नाही आणि पक्षाला ब्लॅकमेल करणार नाही’, असे शिवकुमार यांनी म्हटले आहे. असे असले तरी त्यांची नाराजी कायम राहिली तर कर्नाटकची स्थिती राजस्थानप्रमाणे होऊ शकते. याकडे भाजप नेतृत्वाचे दिल्लीतून अत्यंत बारकाईने लक्ष आहे. ही बाब राहुल गांधी व खर्गे यांनी दोन्ही नेत्यांजवळ बोलताना स्पष्ट केली. दोन्ही नेत्यांनाही त्याची पूर्ण कल्पना असल्याचे पक्षसूत्रांनी सांगितले.
आता मुंबईची ‘तुंबई’ होणार नाही, ४८० ठिकाणी पाणीउपसा पंप, पावसाळ्यासाठी BMC सज्ज
सिद्दरामय्या यांची बलस्थाने
– कुरुबा गौडा या मागासवर्गीय समाजाचे प्रतिनिधी, १९८३पासून आमदार
– प्रशासनाचा दांडगा पूर्वानुभव, यापूर्वी दोनदा उपमुख्यमंत्रिपद
– कर्नाटकच्या जनतेत व आमदारांतही तुलनेने जास्त लोकप्रिय
– यावेळेस वरुणा विधानसभा मतदारसंघातून विजयी झाले
– २०१३ ते २०१८ पर्यंत सलग पाच वर्षे कर्नाटकचे मुख्यमंत्री. त्यांच्या सरकारच्या काळात भ्रष्टाचाराचे कोणतेही प्रकरण बाहेर आले नाही ही जमेची बाजू.
– काँग्रेसमध्ये येण्यापूर्वी भारतीय लोक दल व जनता दलात सक्रिय.
Chhatrapati Sambhaji Nagar: पुढील आदेश येईपर्यंत सध्याच्या औरंगाबाद नावात बदल करू नये, जिल्हाधिकाऱ्यांचे आदेशशिवकुमार यांची बेरीज-वजाबाकी
– काँग्रेसचे संकटमोचक, सोनिया गांधी व गांधी कुटुंबीयांशी जवळीक
– राहुल गांधी यांच्या भारत जोडो यात्रेचे कर्नाटकातील सूत्रसंचालक
– बेहिशेबी मालमत्ताप्रकरणी ईडी, आयटी, सीबीआयची कारवाई सुरू
– सिद्दरामय्या यांच्या तुलनेत प्रशासनाचा कमी अनुभव
– मुख्यतः म्हैसूर परिसरातच प्रभाव
Monsoon Delayed : मान्सूनचं आगमन लांबणार, केरळमध्ये ‘या’ दिवशी धडकणार, तज्ज्ञांनी सांगितलं कारण
