नवी दिल्ली : करचोरी किंवा काळा पैसा यासारख्या समस्या दूर करण्यासाठी देशात रोख रक्कम आणि व्यवहारांवर अनेक नियम आहेत. यापैकी एक मूलभूत प्रश्न असा आहे की घरात किती रोख ठेवता येईल यावर काही मर्यादा आहे का? घरी रोख रक्कम ठेवणे दोन गोष्टींवर अवलंबून असते, पहिली तुमची आर्थिक क्षमता आणि दुसरी म्हणजे तुमच्या व्यवहाराची सवय. जर तुम्ही घरी मोठ्या प्रमाणात रोकड ठेवत असाल तर याबात नियम समजून घ्या, जेणेकरून तुम्हाला कोणताही त्रास सहन कारवाया लागणार नाही.

घरात रोकड ठेवण्याचा इन्कम टॅक्सचा नियम
तुम्ही घरात एका मर्यादेपर्यंत रोख रक्कम ठेवू शकता, असा कोणताही नियम नाही. कोणताही नियम तुम्हाला एक मर्यादित रोख घरी ठेवण्यास भाग पाडत नाही. म्हणजे तुम्ही तुमच्या क्षमतेनुसार हवी तेवढी रोख रक्कम घरात ठेवू शकता. मात्र, एकच नियम लक्षात ठेवायचा आहे आणि तो म्हणजे तुमच्या उत्पन्नाचा स्त्रोत काय आहे आणि तुम्ही कर भरला आहे की नाही म्हणजे प्रत्येक तुमच्याकडे पैशानं पैशांचा हिशोब असला पाहिजे.

Tax Saving Tips: नोकरदारांना इनकम टॅक्स वाचवण्यासाठी रामबाण उपाय, लगेच करून पाहा
इन्कम टॅक्सच्या नियमांनुसार तुम्ही तुमच्या घरात कितीही रोख ठेवू शकता, पण जर तपास यंत्रणेची धाड पकडली तर तुम्हाला त्याचा स्रोत सांगावा लागेल. जर तुम्ही ते पैसे कायदेशीररित्या कमावले असतील आणि त्यासाठी पूर्ण कागदपत्रे तुमच्याकडे असतील किंवा आयकर रिटर्न भरला असेल, तर घाबरण्याची गरज नाही. परंतु आपण स्त्रोत सांगण्यास सक्षम नसल्यास आयकर विभाग तुमच्यावर कारवाई करू शकते.

आयकर विभाग कधी दंड आकारतो?
जर तुम्ही आयकर विभागाला रोखीचा हिशोब देण्यात अपयशी ठरला तर तुमच्या अडचणी वाढू शकतात. आयकर विभागाने तुमच्या घरवाड धाड टाकली आणि मोठ्या प्रमाणात रोकड जप्त केली. यासोबतच, जर तुम्ही त्या रोख रकमेबाबत योग्य माहिती देऊ शकला नाहीत, तर तुम्हाला मोठा दंड भरावा लागू शकतो. तुमच्याकडून वसूल केलेल्या रोख रकमेवर त्या रकमेच्या १३७% पर्यंत कर आकारला जाऊ शकतो. एकंदरीत तुमच्याकडे ठेवलेली रोख रक्कम हातून तर जाईलच पण त्यावर तुम्हाला अतिरिक्त करही भरावा लागेल.

Gold Rules: घरात किती सोने ठेवू शकता, माहिती आहे का? जाणून घ्या अन्यथा बसेल भुर्दंड
मोठे व्यवहार करताना या गोष्टी लक्षात ठेवा
घर-फ्लॅट, गाडी किंवा लग्नाच्या वेळी अनेकदा मोठे व्यवहार करावे लागते, त्यामुळे या प्रकारचे व्यवहार करण्यापूर्वी काही गोष्टींची काळजी घेतली पाहिजे. तुम्हाला एकावेळी बँकेत ५०,००० रुपयांपेक्षा जास्त रक्कम काढायसाठी किंवा जमा करण्यासाठी पॅनकार्ड दाखवावे लागेल. तसेच खरेदीच्या प्रकरणात २ लाखांपेक्षा जास्त रक्कम भरणे शक्य नसून इथेही तुम्हाला पॅन आणि आधार बंधनकारक असतो.

BBC कार्यालयाचा आयकर विभागाकडून सर्व्हे; जाणून घ्या IT Raid आणि IT Survey मधील फरक
याशिवाय, जर तुम्ही एका वर्षात तुमच्या बँक खात्यात २० लाख रुपयांपेक्षा जास्त रोख रक्कम जमा केली, तर तुम्हाला बँकेत पॅन आणि आधार दाखवावा लागेल. जर तुम्ही बँकेतून २ कोटी रुपयांपेक्षा जास्त रक्कम काढली तर तुम्हाला टीडीएस प्रमाणपत्र द्यावे लागेल. दुसरीकडे, ३० लाख रुपयांपेक्षा जास्त किमतीच्या मालमत्तेची रोख खरेदी आणि विक्री केल्यास ती व्यक्ती तपास यंत्रणेच्या रडारवर येऊ शकते.

जालन्यात स्टील कारखानदारांवर छापा; सापडलेली रोकड मोजण्यासाठी 13 तास लागले

LEAVE A REPLY

Please enter your comment!
Please enter your name here