साहेब, लगेच कब्रस्तानात जा! अज्ञाताकडून कॉलवर टिप, पोलिसांनी कबर खणली, बॉडी काढली अन् मग…३३ वर्षांचा प्रशांत ४२ वर्षांच्या सुचित्राला आधी दिदी म्हणायचा. मार्च २०२० मध्ये त्यानं सुचित्राची गळा दाबून हत्या केली. त्यानंतर त्यानं गुगलवर मृतदेहाची विल्हेवाट कशी लावायची याबद्दल सर्च केलं. पोलिसांची दिशाभूल करण्यासाठी त्यानं काही चित्रपट पाहिले. प्रशांत सुचित्राची हत्या करुन तिच्या मृतदेहाचे तुकडे केले आणि ते घराच्या मागे असलेल्या खड्ड्यात टाकले. या प्रकरणी कोल्लम न्यायालयानं त्याला जन्मठेपेची शिक्षा सुनावली आहे. गुगलच्या सर्च हिस्ट्रीनं प्रशांतचा गुन्हा उघडकीस आला.
नेमकं काय घडलं?
सुचित्राचा दोनदा घटस्फोट झाला होता. तर प्रशांत विवाहित होता. पेशानं ब्युटिशियन ट्रेनर असलेली सुचित्रा प्रशांतच्या पत्नीची लांबची नातेवाईक होती. २०१९ मध्ये प्रशांतला मुलगा झाला. त्याच्या बारशावेळी दोघे पहिल्यांदा भेटले. तिथून ओळख वाढत गेली. मैत्रीचं रुपांतर पुढे प्रेमात झालं. सुचित्राला प्रशांतकडून मूल हवं होतं. मात्र याला प्रशांतचा विरोध होता. सुचित्रा आई झाल्यास दोघांचे अनैतिक संबंध जगापुढे येतील, अशी भीती त्याला वाटत होती. त्यामुळे त्यानं सुचित्राला संपवायचं ठरवलं.
लेडी सिंघमचा संशयास्पद शेवट; कुटुंब, पोलीस प्रवासाविषयी अंधारात, एकट्या कुठे निघालेल्या?
कुटुंबियांना बाहेर पाठवलं अन् सुचित्राला संपवलं
मार्च २०२० मध्ये सुचित्रा आणि प्रशांतनं सोबत राहण्याची योजना आखली. त्यासाठी प्रशांतनं पत्नी आणि मुलाला कोल्लममधील घरी पाठवलं. या कालावधीतील व्हॉट्स ऍप चॅट पोलिसांच्या हाती लागले आहेत. प्रशांतनं सुचित्राला काळ्या रंगाचा ड्रेस परिधान करुन घरी येण्यास सांगितलं होतं. आपण कोल्लमला ब्युटिशियन ट्रेनिंग अकादमीला जात असल्याचं सांगून सुचित्रा १७ मार्चला निघाली होती. क्लास घेण्यासाठी जात असल्याचं म्हणत तिनं घर सोडलं. त्यानंतर ती घरी परतली नाही.
