कुरुलकर देशाची संवेदनशील माहिती लीक करत असल्याचे सिद्ध झाल्यानंतर त्यांना डीआरडीओच्या संचालकपदावरून हटवण्यात आले. गुप्तचर यंत्रणांकडून त्यांच्याविरुद्ध माहिती मिळाल्यानंतर एटीएसने तपास सुरू केला. या तपासात तो पाकिस्तानच्या हेरांच्या संपर्कात असल्याचे निष्पन्न झाले.
मोठी बातमी: प्रदीप कुरुलकरांनंतर हवाई दलातील मराठी अधिकारीही जाळ्यात; त्याच महिलेच्या हनीट्रॅपमध्ये अडकला!
पाकिस्तानी गुप्तचर संस्थांना हनी ट्रॅप करण्याचा प्रयत्न करणारा हवाई दलातील हवालदार निखिल मुरलीधर शेंडे हा मूळचा नागपूरचा आहे. निखिलची आई आणि काका शांतीनगर परिसरात राहतात. यासंदर्भातील वृत्त वाचून धक्का बसल्याचे निखिलच्या नातेवाईकांचे म्हणणे आहे. स्पोर्ट्स कोट्यातून हवाई दलात अधिकारी झालेल्या निखिलचे मैदान आणि घर हेच विश्व असल्याची भावना निखिलच्या आईने व्यक्त केली. तसेच माझा निखिलवर पूर्ण विश्वास असून त्याला या प्रकरणात कुणीतरी गोवलं आहे, असा सनसनाटी आरोप निखिलच्या काकांनी केला आहे. त्यांच्या आरोपाने तपासात नवा ट्विस्ट निर्माण झालाय.
डीआरडीओचे शास्त्रज्ञ प्रदीप कुरुळकर हनी ट्रॅपमध्ये अडकले आहेत. आता या प्रकरणात निखिल शेंडेचं नाव समोर आल्याने खळबळ उडाली आहे. निखिल शेंडे हा धावपटू आहे. कुरुळकर यांना निखिलच्या मोबाईलवरून ‘माझा मोबाईल का ब्लॉक केला आहे’ असा मेसेज आला, त्यानंतर निखिलची चौकशी करण्यात आली. दरम्यान, निखिल निर्दोष असल्याचा दावा त्याच्या कुटुंबीयांनी केला आहे. त्याला केवळ चौकशीसाठी बोलावण्यात आले होते, आता त्याची सुटका करण्यात आली आहे. निखिलचा अशा कोणत्याही प्रकरणाशी काहीही संबंध नसल्याचा दावा त्याच्या आईने केला आहे.
प्रदीप कुरुलकरच्या चौकशीत धक्कादायक माहिती उघड, गुप्तचर विभागाचा तो अधिकारीही हनीट्रॅपच्या जाळ्यात?
या तपासात त्याचा मोबाईल क्रमांक कसा आला याचा शोध घेतला जात आहे. या प्रकरणात निखिलचा नंबर कसा आला हेही त्यांना माहिती नाही. त्याला चौकशीसाठी पुण्याला नेण्यात आले, तेथे चौकशी झाली. मात्र तपास अधिकाऱ्यांना त्यात काहीही सापडले नाही. त्यामुळे अधिकाऱ्यांनी तेव्हाच निखिलची सुटका केली, असे निखिलच्या आईने सांगितले. आमचा निखिलवर पूर्ण विश्वास आहे. आम्हाला खात्री आहे की त्याने असे काही केले नाही. तो निर्दोष असून सध्या बंगळुरू येथे कर्तव्यावर असल्याचे त्याच्या काकांनी सांगितले.
दरम्यान, कुरुलकर २०२२ पासून पाकिस्तानी हेरांच्या संपर्कात असल्याचे निष्पन्न झाल्यानंतर दहशतवाद विरोधी पथकाने (एटीएस) त्याला पुण्यातून अटक केली. सध्या न्यायालयाने त्याला पोलीस कोठडी सुनावली आहे.
