विराट कोहलीनं बंगळुरुसाठी महत्त्वाच्या असलेल्या सामन्यात शतक झळकवत संघाच्या विजयात महत्त्वाची खेळी केली. विराट कोहलीने ६३ बॉलमध्ये १२ चौकार आणि ४षटकार लगावत १०० धावा केल्या. विराटचे आयपीएल मधील हे सहावे शतक होते. आता त्यानं ख्रिस गेलच्या विक्रमाशी बरोबरी केली आहे. आयपीएलमध्ये ख्रिस गेलच्या नावावर ६ शतकं आहेत. दुसरीकडे विराटचा साथीदार डु प्लेसिसने ४७ बॉल मध्ये ७१ धावा केल्या त्यानं ७ चौकार आणि २ षटकार लगावले.
आरसीबीच्या विजयासह मुंबई इंडियन्सला बसला मोठा धक्का, कोहलीमुळे रोहितची चिंता वाढली
विराट आणि डु प्लेसिसची विक्रमी भागिदारी
विराट कोहली आणि डु प्लेसिसनं कालच्या मॅचमध्ये विक्रमाला गवसणी घातली. दोघांनी १७.५ ओव्हर मध्ये १७२ धावांची भागिदारी केली. यामुळे विराट आणि डु प्लेसिसची सलामीची जोडी आयपीएलमधील सर्वाधिक धावांची सलामीची भागिदारी करणारी करणारी जोडी ठरली आहे.
दुसरीकडे विराट कोहलीने १४८९ दिवसानंतर आणि ६३ डावानंतर आयपीएल मध्ये शतक केलं आहे. विराटने २०१९ च्या आयपीएलमध्ये कोलकत्ता नाईट रायडर्स विरोधात शतक झळकवलं होतं. विराटने त्या ६३ डावांमध्ये ३१ च्या सरासरीने १७३६ धावा केल्या. त्यामध्ये 14 चा अर्धशतकांचा समावेश होता.
विरार बुलेट ट्रेन स्टेशन गाठणंही सोपं होणार, महामार्ग-राज्य मार्गांची स्थानकाला जोड
दरम्यान, सनरायजर्स हैदराबानं पहिल्यांदा फलंदाजी करताना १८६ धावा केल्या होत्या. हैदराबादनं ५ विकेट गमावत १८६ धावा केल्या. हेनरिक क्लासेननं १०४ धावा करत संघाला आश्वासक धावसंख्येपर्यंत पोहोचलं. क्लासेनला हैदराबादच्या दुसऱ्या खेळाडूंची साथ मिळाली नाही. हैदराबादचे इतर खेळाडू मोठी धावसंख्या उभारु शकले नाहीत. कालच्या विजयानं आरसीबी गुणतालिकेत चौथ्या स्थानावर पोहोचलं आहे. तर, मुंबई इंडियन्सची पाचव्या स्थानावर घसरण झाली आहे.मुंबईकरांसाठी मोठी बातमी! बेस्टच्या ताफ्यात ४० प्रीमियम एसी बस; काय आहेत सुविधा…
