आंतरराष्ट्रीय बाजारात कच्च्या तेलाच्या चढउताराचा फटका न बसता देशातील तेल कंपन्यांनी पुन्हा एकदा वाहनधारकांना दिलासा देणारी बातमी दिली आहे. भारतातील वाहन इंधनाचे दर दररोज सरकारी तेल कंपन्या जारी करतात. आजच्या घडीला अनेक शहरांमध्ये पेट्रोल आणि डिझेलच्या दरात किंचित बदल झाला असून चार महानगरांपैकी चेन्नईमध्ये इंधनाच्या दरात किरकोळ वाढ नोंदवली गेली आहे.
करोडपती बनायचंय तर SIP मध्ये दरमहिना किती गुंतवणूक कारवी लागेल? समजून घ्या गणित…
चेन्नईत पेट्रोल ११ पैसे आणि डिझेल ९ पैसे महागले असून आज वाहन चालकांना प्रति लिटर अनुक्रमे १०२.७४ रुपये आणि ९४.३३ रुपये खर्च करावा लागेल. याशिवाय इतर महानगरांमध्येही किमती स्थिर आहेत. म्हणजे आजही मुंबईकरांना प्रति लिटर पेट्रोल-डिझेलसाठी जवळपास १०० रुपये खर्च होईल. मुंबईत पेट्रोल १०६.३१ रुपये आणि ९४.२७ रुपये प्रति लिटर दराने विकले जात आहे.
कमाईचा नवीन मार्ग! HDFCने लॉन्च केला देशातील पहिला डिफेन्स फंड, २ जूनपर्यंत करू शकता गुंतवणूक
कच्च्या तेलाच्या किमतीत घसरण
दुसरीकडे, गेल्या काही दिवसांपासून आंतरराष्ट्रीय बाजारात कच्च्या तेलाच्या किमतीत चढउतार पाहायला मिळत असून शुक्रवारी किंमत संमिश्र व्यवहार होताना दिसत आहे. ब्रेंट कच्च्या तेलाच्या किमतीत वाढ झाली असली तरी WTI कच्च्या तेलाची किंमत घसरली आहे. WTI कच्चे तेल ०.०३% किंचित घसरणीसह प्रति बॅरल $७१.८४ वर व्यापार करत आहे. त्याच वेळी, ब्रेंट क्रूड तेल ०.०८% वाढून $७५.८९ प्रति बॅरलवर व्यवहार करत आहे.
फोनवर तेलाच्या किमती मिळवा…
तुम्हाला तुमच्या फोनवर दररोज तेल दराचे नवीन जाणून घ्यायच्या असतील, तर तुम्ही RSP<space> पेट्रोल पंप डीलरचा कोड तुमच्या फोनवरून ९२२४९ ९२२४९ वर पाठवू शकता.
