LIC ही पॉलिसी प्रीमियम टर्म पॉलिसी आहे, ज्यामध्ये तुम्हाला पॉलिसी सुरु असेपर्यंत प्रीमियम भरावा लागेल. तसेच या योजनेची सर्वात खास गोष्ट म्हणजे यामध्ये तुम्ही जास्त नाही तर छोटी रक्कम गुंतवून लाखोंचा फंड तयार करू शकता. लक्षात घ्या की, या पॉलिसीद्वारे तुम्ही भविष्यासाठी चांगली रक्कम वाचवू शकता. बाजारात आज कमी गुंतवणूक करून मोठा निधी बनवण्याचे अनेक पर्याय आहेत, परंतु कोणत्याही योजनेत गुंतवणूक करण्यापूर्वी तुम्ही त्या सर्वांचा आढावा घेतला पाहिजे कारण काही योजना अशा असतात, ज्यामध्ये फक्त तुमचा पैसा कालांतराने वाढत नाही तर तुम्हाला काही अतिरिक्त फायदे देखील मिळतात.
करोडपती बनायचंय तर SIP मध्ये दरमहिना किती गुंतवणूक कारवी लागेल? समजून घ्या गणित…
LIC जीवन आनंद पॉलिसी
या पॉलिसीमध्ये गुंतवणूक करणे गाडी सोपे आहे. तुम्हालाही या योजनेत गुंतवणूक करायची असेल, तर तुमच्याकडे सरकारी कागदपत्रे असली पाहिजे. जर तुमच्याकडे आधार कार्ड आणि बँक खाते असेल तर तुम्ही कोणत्याही टेन्शनशिवाय या योजनेत अर्ज करू शकता.
दररोज ४५ रुपये वाचवा
या पॉलिसीमध्ये गुंतवणूक करण्यासाठी तुम्हाला दररोज ४५ रुपये म्हणजेच दरमहा १३५८ रुपये वाचवावे लागतील. अशा प्रकारे एका छोट्या बचतीतून तुम्ही मॅच्युरिटीवर २५ लाख रुपयांचा निधी तयार करू शकता. यासाठी तुम्हाला दीर्घकालीन गुंतवणूक करावी लागेल. तुम्ही ३५ वर्षांपर्यंत मॅच्युरिटी कालावधी निवडू शकता. दरमहा १,३५८ रुपये किंवा दररोज ४५ रुपये जमा करण्याव्यतिरिक्त तुम्ही वार्षिक १६,३०० रुपये देखील जमा करू शकता. ही रक्कम ३५ वर्षांसाठी या योजनेत जमा केल्यास तुम्हाला परिपक्वतेवर २५ लाख रुपये मिळतील.
Fixed Deposit: बचतीचा सुरक्षित, सोपा मार्ग; भरघोस रिटर्न मिळण्याच्या धमाकेदार टीप्स, मिळेल पैसाच पैसा
पॉलिसी घेतल्यास मिळतील हे फायदे
या पॉलिसीमध्ये डेथ बेनिफिट आणि रायडर बेनिफिट देखील उपलब्ध असून जर एखाद्या पॉलिसीधारकाचा मुदतपूर्तीपूर्वी मृत्यू झाल्यास पॉलिसीधारकाच्या नॉमिनीला १२५% पर्यंत डेथ फायदा मिळेल. या योजनेत तुम्हाला किमान विमा रक्कम एक लाख रुपये मिळते. या पॉलिसीमध्ये कमाल मर्यादा नाही. दुसरीकडे, रायडर बेनिफिटमध्ये, तुम्हाला अपघाती मृत्यू आणि अपंगत्व रायडर, अपघात लाभ रायडर, नवीन टर्म रायडर, नवीन टर्म इन्शुरन्स रायडर आणि नवीन गंभीर आजार लाभाचा लाभ मिळतो. या योजनेत गुंतवणूक करून तुम्हाला कोणत्याही प्रकारची कर सूट मिळणार नाही.
शेअर बाजारात पैसे गुंतवायला किमान किती वय असावं लागतं? काय आहे नियम समजून घ्या…
४५ रुपयाची बचत आणि लाखोंचा फंड कसा?
एलआयसी जीवन आनंद पॉलिसीमध्ये तुम्ही दरमहा सुमारे १,३५८ रुपये जमा करून २५ लाख रुपये मिळवू शकता. तुम्हाला दररोज ४५ रुपयाची बचत करावी लागेल आणि ती देखील दीर्घ मुदतीसाठी. LIC च्या या पॉलिसी अंतर्गत जर तुम्ही दररोज ४५ रुपयांची बचत करून ३५ वर्षांसाठी गुंतवणूक केली तर या योजनेची मॅच्युरिटी पूर्ण झाल्यानंतर तुम्हाला २५ लाख रुपये मिळतील.
