भीषण उन्हात पोरांना आई कारमध्ये विसरली, १५ तासांनी आठवलं, तोपर्यंत २ वर्षांच्या चिमुरडी…
पंकज याने लग्नाचे आमिष दाखवून चार वर्षांत वारंवार शरीरसंबंध ठेवून फसवणूक केल्याचे तिने सांगताच विवाहस्थळी एकच खळबळ उडाली. पंकजचे कारनामे ऐकून नवरीसह तिच्या घरच्यांचा पारा चांगलाच चढला आणि नवरीने तात्काळ विवाहास नकार देत हा विवाह रद्द केला. राहाता पोलिसांनी पंकज याला ताब्यात घेत त्याच्याकडे चौकशी केली असता त्याने तरुणीशी संबंध असल्याची कबुली दिली. तक्रारीपूर्वी कलवरे, कलवऱ्या यांच्या गराड्यात असणारा नवरदेव पोलीस स्टेशनला मात्र एकटाच दिसत होता.
पीडितेच्या फिर्यादीवरून पंकज याच्यावर भादंवि कलम ३७६ आणि ४२० प्रमाणे गुन्हा दाखल करण्यात आला आहे. हा गुन्हा आता नाशिकरोड पोलिसांकडे वर्ग करण्यात आला असून पंकज याला देखील नाशिकरोड पोलिसांच्या ताब्यात देण्यात आलं आहे.
दरम्यान, पंकजने आगोदर प्रेयसीला लग्नाचे आमिष दाखवून चार वर्ष तिची फसवणूक केली, तर राहाता पोलीस वेळीच विवाहस्थळी पोहचल्याने दुसरी मुलगी फसवणूक होण्यापूर्वी वाचली आणि बोहल्यावर चढण्याआधीच पंकजवर जेलमध्ये जाण्याची वेळ आली. त्यामुळे प्रेमसंबंध किंवा ‘शुभमंगल’ जुळवताना ‘सावधान’ राहा अन्यथा असे ठगसेन तुमचीही फसवणूक करू शकतात.
