नांदेडमध्ये शालेय विद्यार्थ्यांमध्ये टशन, एकाच्या दप्तरात खंजीर, दुसऱ्याकडे थेट एअरगन
डीजेच्या तालावर नाचत असताना राडा
पोलिसांनी दिलेल्या माहितीनुसार, जखमी संजय जाधव याच्या नातेवाईकाकडे लग्नानिमित्त हळदी सभारंभ २० मे रोजी रात्री १०:३० वाजताच्या सुमारास अंजूर फाटा परिसरातील साठेनगर येथील वडारवाडी,येल्लमा मंदिराच्या पुढे मंडपात होता. त्यावेळी संजय हा त्याचे मित्र अक्षय आणि राजू यांच्या सोबतीने हळदी सभारंभाला आला होता. याच दरम्यान परिसरात हळदीचा कार्यक्रम असल्याने दुसऱ्या गटातील दिनेश हा त्याचे मित्र लखन, कैलास, संदीप यांच्यासोबत आला होता. यावेळी हळदीनिमित्ताने बँड आणि डीजेच्या तालावर काही तरुण नाचवत होते.
VIDEO | जेवणात पनीर नाही, नवरदेवाचा काका रुसला, वधूपक्षाशी वाद न् लग्नाचं रुपांतर WWF मध्ये
रुग्णालयात उपचार सुरू
हळदी समारंभातसर्वजण नाचत असतानाच लखन आणि संजय यांचा एकमेकांना धक्का लागला. त्यामुळे वाद होऊन त्यांच्यात शाब्दिक बाचाबाची झाली. त्यावेळी भांडण सोडवण्यासाठी आलेल्या दिनेशच्या आत्यालाही विरोधी गटातील संजय आणि अक्षयने शिवीगाळ केली. त्यानंतर या भांडणाचे रुपांतर तुफान हाणामारीत झाले. या झालेल्या धुमश्चक्रीमध्ये धारदार शस्त्र,लोखंडी रॉड, फरशीने दोन गटात जोरदार हाणामारी झाली. यामध्ये संजय, अक्षय, दिनेश आणि अजय हे चौघेही गंभीर जखमी झाले असून त्यांच्यावर येथील रुग्णालयात उपचार सुरू आहेत. याप्रकरणी परस्परविरोधी नारपोली पोलीस ठाण्यात गुन्हा दाखल करण्यात आला असून घटनेचा पुढील तपास पोना तडवी करीत आहेत.
