सभापती आणि उपसभापतीपदाकरिता रविवारी निवडणूक झाली. सभापतीपदासाठी काँग्रेसच्या गटातून रामलाल चौधरी तर राष्ट्रवादी-भाजपा-शिवसेना गटाकडून विवेक नखाते तसेच उपसभापतीपदासाठी काँग्रेस गटातून नितीन कडव आणि राष्ट्रवादी-भाजपा-शिवसेना गटाकडून नामदेव निंबार्ते रिंगणात होते. सभापतीपदाच्या निवडणुकीत विवेक नखाते यांना १० मते तर रामलाल चौधरी यांना ८ मते मिळाली. तर उपसभापती निवडणुकीत नामदेव निंबार्ते यांना १० तर नितीन कडव यांना ८ मते मिळाली. नखाते आणि निंबार्ते यांना विजयी घोषित करण्यात आले.
आमच्या बड्या नेत्यांवर बोलाल, तर मुलाहिजा ठेवणार नाही, शेलारांनी भरसभेत ‘मित्राला’ सुनावलं
हा शेतकऱ्यांचा विजय : आमदार भोंडेकर
हा विजय कोणत्याही पक्षाचा नसून शेतकऱ्यांच्या हिताकरिता झालेल्या लढाईचा आहे. गेल्या १५ वर्षांपासून काँग्रेसचे एकछत्री राज्य असल्याने बाजार समितीचा विकास थांबला होता. त्यामुळे एकत्र येऊन शेतकऱ्यांच्या हितासाठी सत्ताबदल करणे गरजेचे होते, असे आमदार नरेंद्र भोंडेकर म्हणाले.
Mumbai News: एकनाथ शिंदेंची सहमती, आमचं ठरलंय! मुंबईत महानगरपालिकेत भाजपचाच महापौर बसणार: आशिष शेलार
भाजपने सत्तेचा दुरुपयोग केला : चौधरी
सभापती निवडणुकीच्या एक दिवसआधी विवेक नखाते या संचालकाचा भाजपात प्रवेश करविण्यात आला. सत्तेचा दुरुपयोग करून दबाव घालून वाटेल ते आमिष दाखवून नखाते या संचालकाला कृषी उत्पन्न बाजार समितीचा सभापती बनविला. अशा गद्दाराला जनता माफ करणार नाही, असे काँग्रेसचे माजी सभापती रामलाल चौधरी यांनी सांगितले.
