गेल्या १०० दिवसात त्यांनी गुंतवणुकीतून ७६८३ कोटींचा नफा कमावला आहे. अशाप्रकारे GQG पार्टनर्सच्या अदानी समूहाच्या शेअर्समधील गुंतवणुकीचे मूल्य आता २३ हजर १२९ कोटी रुपये झाले आहे. याशिवाय दिग्गज गुंतवणूकदार राजीव जैन यांची कंपनी GQG पार्टनर्स LLC ने अदानी समूहातील आपला हिस्सा आणखी १०% वाढवला आहे.
अदानींना फारच मोठा दिलासा! एकावर एक बसलेल्या धक्क्यानंतर आता आली गुड न्यूज; गुंतवणूकदारांची लॉटरी
सर्वोच्च न्यायालयाच्या पॅनलचा अहवाल
गेल्या आठवड्यात सर्वोच्च न्यायालयाने नियुक्त केलेल्या एका तज्ज्ञ समितीने हिंडेनबर्ग रिसर्चच्या आरोपांमध्ये अद्याप कोणतेही तथ्य आढळले नाही, असे स्पष्ट केले. या समितीने आपल्या १७३ पानांच्या अहवालात म्हटले की समितीला शेअर्समध्ये फेरफार केल्याचा कोणताही पुरावा सापडला नाही. यानंतर दुसऱ्याच दिवशी अदानी समूहाच्या शेअर्समध्ये मोठी तेजी आली.
गुंतवणूकदारांचे मोठे नुकसान; अदानी शेअर्समुळे ३७०० कोटी बुडाले; SEBI अहवालात महत्त्वाची माहिती उघड
अदानी शेअर्सचा ५०% नफा
अदानी समूहाच्या शेअर्सबाबत गुंतवणूकदार धास्तावले असताना राजीव जैन यांनी समूहाच्या चार कंपन्यांमध्ये हजारो कोटी रुपये गुंतवले होते. आणि आता १०० दिवसांत राजीव जैन यांचे गुंतवणूकीचे मूल्य ५०% वाढले. राजीव जैन यांच्या GQG पार्टनर्सने मार्चमध्ये अदानी एंटरप्रायझेसमध्ये ५,४६० कोटी रुपये गुंतवले ज्याचे मूल्य आता ९०६० कोटी इतके वाढले. तर अदानी ग्रीनमध्ये गुंतवलेल्या २८०६ कोटी रुपयांचे बाजारमूल्य आता ५२३६ कोटी रुपये झाले आहे. त्याचप्रमाणे अदानी पोर्टमध्ये ५,२८२ कोटी रुपयांची गुंतवणूक करण्यात आली होती, जी आता ६,४८६ कोटी रुपये आहे आणि अदानी ट्रान्समिशनमध्ये १,८९८ कोटी रुपयांची गुंतवणूक आता २,३८४ कोटी रुपये झाली आहे.
टाटा समूहाचा मल्टिबॅगर स्टॉक पडतोय नोटांचा पाऊस, कंपनीची मोठी घोषणा; वाचा सविस्तर
अदानी समूहाच्या शेअर्सनी खेळ केला
लक्षात ठेवा की आयुष्यात योग्य वेळी घेतलेला निर्णय नेहमीच फायदेशीर ठरतो आणि असेच काहीसे अदानी ग्रुपमध्ये गुंतवणूक करणाऱ्या राजीव जैन यांच्याबाबतही घडले. हिंडेनबर्ग अहवालानंतर सामान्य गुंतवणूकदार शेअर्स विक्री करत होते, तर ७ वर्ष जुनी गुंतवणूक फर्म GQG पार्टनर्सचे सह-संस्थापक राजीव जैन यांनी अदानींच्या शेअर्स खरेदीचा सपाटा लावला. त्यावेळी अनेक लोक त्यांच्या या निर्णयावर प्रश्नचिन्ह उपस्थित करत होते, पण आज त्यांचा हा निर्णय योग्यच ठरला नाही, उलट मोठ्या उत्पन्नाचा स्त्रोत बनला आहे.
