अवघ्या दहा दिवसांवर लग्न सोहळा असल्याने महेंद्र मोरे हे त्यांच्या कार्यालयातील कर्मचाऱ्यांना पत्रिका वाटण्यासाठी मंगळवारी सकाळी घराबाहेर पडले. ग. स. सोसायटीच्या अधिकारी कर्मचाऱ्यांना पत्रिका वाटण्यासाठी महेंद्र मोरे हे चोपडा, अमळनेर, धरणगावमार्गे दुपारी तीन वाजता एरंडोल येथील ग. स. सोसायटीच्या कार्यालयात गेले. याठिकाणी ते खुर्चीवर बसले असताना त्यांना अचानक हृदयविकाराचा तीव्र झटका आला.
पतीनिधनानंतर दुसरा आधारही हरपला, १८ वर्षांच्या मुलाचा मृत्यू, खंबीर मातेचा आदर्श निर्णय
या प्रकाराने कर्मचाऱ्यांची मोठी धावपळ उडाली. तातडीने कर्मचाऱ्यांनी महेंद्र मोरे यांना एरंडोल शहरातील खाजगी रुग्णालयात दाखल केले. त्याठिकाणच्या डॉक्टरांनी त्यांना जळगाव येथे घेऊन जाण्यास सांगितले. मात्र जळगावला पोहचण्याअधीच महेंद्र मोरे यांनी जगाचा निरोप घेतला होता. जळगाव शासकीय रुग्णालयात आणले असता तेथे महेंद्र मोरे यांना वैद्यकीय अधिकाऱ्यांनी मयत घोषित केले.
डोळ्यादेखत आपला सहकारी महेंद्र मोरे यांच्या मृत्यूने कर्मचाऱ्यांना मोठा धक्का बसला आहे. घटनेची माहिती मिळाल्यावर महेंद्र मोरे यांच्या नातेवाईकांसह ग. स. सोसायटीच्या विविध ठिकाणच्या शाखांमधील कर्मचाऱ्यांनी शासकीय रुग्णालयात गर्दी केली. याठिकाणी महेंद्र मोरे यांच्या कुटुंबियांनी एकच आक्रोश केला. यावेळी ग. स. सोसायटीचे अध्यक्ष उदय पाटील यांनी महेंद्रे मोरे यांच्या कुटुंबियांचे सांत्वन केले.
Pune Crime : पुण्यात एकाच कुटुंबातील तिघांचा आयुष्य संपवण्याचा प्रयत्न, आजारपणातून टोकाचं पाऊल
महेंद्र मोरे यांच्या पश्चात पत्नी शारदा, मोठा मुलगा विक्रांत, लहान मुलगा कुणाल असा परिवार आहे. विक्रांत पुण्यात कंपनीत तर लहान मुलगा एमबीएचे शिक्षण घेत आहे. ज्या घरात दहा दिवसानंतर लग्नाची वाद्य वाजणार होती, त्याच घरात वर तरुणाच्या पित्याची अंत्ययात्रा निघणार आहे. यावेळी कुटुंबियांचा मन हेलावणारा आक्रोश पाहून उपस्थितांचेही डोळे पाणावले होते. या प्रकरणी पोलीस स्टेशनला अकस्मात मृत्यूची नोंद करण्याचे काम सुरु होते.
