मी देखील तुझ्या सोबत आहे; धोनी पाठोपाठ सुरेश रैनाने जाहीर केली निवृत्ती

नवी दिल्ली: भारताचा सर्वात यशस्वी कर्णधार महेंद्र सिंह धोनीने अचानक सोशल मीडियावरून निवृत्ती जाहीर केल्याने चाहत्यांना धक्का बसला. धोनीच्या निवृत्ती पाठोपाठ भारतीय संघातील त्याचा सहकारी सुरैश रैना याने देखील निवृत्ती जाहीर केली आहे. भारताकडून रैनाने २२६ वनडे, ७८ टी-२० आणि १८ कसोटी सामने खेळले आहेत. भारतीय संघाकडून त्याने अखेरचा आंतरराष्ट्रीय सामना जुलै २०१८ मध्ये खेळला होता.

वाचा-
धोनीने सोशल मीडियावरून निवृत्ती जाहीर केल्यानंतर काही वेळातच रैनाने देखील सोशल मीडियावरून निवृत्ती जाहीर करत असल्याचे सांगितले.

वाचा-

धोनीला टॅग करत रैनाने इस्टाग्रामवर एक पोस्ट शेअर केली आहे. या पोस्टमध्ये तो म्हणतो की, तुझ्या सोबत खेळण्याचा आनंद काही वेगळाच होता. निवृत्तीच्या तुझ्या या प्रवासात मी देखील सहभागी होत आहे. धन्यवाद भारत, जय हिंद!

वाचा-

भारतीय क्रिकेट संघाकडून खेळणाऱ्या या दोन्ही खेळाडूंना यापुढे ब्लू जर्सीमध्ये पाहता येणार नाही. पण हे दोघे आयपीएलमधील चेन्नई सुपर किंग्ज संघात एकत्र दिसतील.

वाचा-
गेल्या वर्षी रैनाच्या गुढघ्यांवर शस्त्रक्रिया करण्यात आली होती. त्यानंतर भारतीय संघात स्थान मिळवण्यासाठी रैना प्रयत्न करत होता. आयपीएलमधील कामगिरीच्या आधारावर टी-२० वर्ल्डकपमधील भारतीय संघाची निवड होणार होती. त्यामुळे धोनी प्रमाणे रैनाचा देखील चांगली कामगिरी करून भारतीय संघात प्रवेश करण्याचा प्रयत्न होता. गेल्या काही दिवसात सोशल मीडियावर इरफान पठाणशी बोलताना रैनाने निवड समितीने चांगली कामगिरी करून देकील दखल घेतली नाही अशी खंत बोलन दाखवली होती.

वाचा-
रैना आयपीएलमधील स्टार खेळाडू आहे. रैनाने अनेक वेळा एकहाती चेन्नईला सामना जिंकून दिला आहे. या स्पर्धेत त्याने १९३ सामन्यात ५ हजार ३५६ धावा केल्या आहेत. त्याची सरासरी ३३.३४ असून स्ट्राईक रेट १३७.१४ इतका आहे. आयपीएलमध्ये रैनाने एक शतक आणि ३८ अर्धशतक झळकावली आहेत. २८ वेळा नाबाद राहिलेल्या रैनाने आयपीएलमध्ये ४९३ चौकार आणि १९४ षटकार मारले आहेत. २०१९च्या आयपीएलमध्ये त्याने १७ सामन्यात ३८३ धावा केल्या होत्या.