सातारा: राज्याचे सहकार मंत्री व जिल्ह्याचे पालकमंत्री यांना करोनाची लागण झाल्याचं समोर आलं आहे. कालच त्यांची चाचणी करण्यात आली होती. चाचणीचा अहवाल पॉझिटिव्ह आल्यानंतर त्यांना कराड येथील कृष्णा रुग्णालयात दाखल करण्यात आलं आहे.

बाळासाहेब पाटलांची करोना चाचणी पॉझिटिव्ह आली असली तरी त्यांची प्रकृती स्थिर आहे. त्यांच्यावर व्यवस्थित उपचार सुरू आहेत, अशी माहिती त्यांच्या निकटवर्तीयांनी दिली आहे.

वाचा:

करोनाची साथ आणि त्यानंतरच्या लॉकडाऊनच्या काळात लोकप्रतिनिधी विविध कामांनिमित्तानं मतदारसंघामध्ये फिरत आहेत. बैठका व अन्य जबाबदाऱ्यांमुळं त्यांचा अधिकारी व पोलिसांशी संपर्क येत आहे. त्यातून लोकप्रतिनिधींना करोनाची लागण होण्याचे प्रमाण वाढल्याचं दिसून येत आहे.

राज्यातील अनेक मंत्र्यांना आतापर्यंत करोनाची लागण झाली आहे. गृहनिर्माण मंत्री जितेंद्र आव्हाड, सार्वजनिक बांधकाम मंत्री अशोक चव्हाण, सामाजिक न्याय मंत्री धनंजय मुंडे, अस्लम शेख यांनाही करोनाची बाधा झाली होती. या सर्वांनी करोनावर मात केली आहे.

वाचा: ‘

राज्यात आतापर्यंत करोनाच्या २९ लाख ७६ हजार चाचण्या झाल्या असून त्यापैकी २४ लाख १५ हजार ९६४ रुग्णांचा अहवाल निगेटिव्ह आला आहे, तर ५ लाख ७२ हजार ७३४ रुग्ण पॉझिटिव्ह आढळून आले आहेत. पॉझिटिव्ह रुग्णांपैकी ४ लाख १ हजार ४४२ रुग्णांवर यशस्वीरित्या उपचार करून त्यांना रुग्णालयातून घरी सोडण्यात आलं आहे. सध्या १ लाख ५१ हजार ५५५ रुग्णांवर विविध रुग्णालयांमध्ये उपचार सुरू आहेत. आतापर्यंत राज्यात १९ हजारांहून अधिक करोना बाधितांचा मृत्यू झाला आहे.

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here