म. टा. प्रतिनिधी, मुंबई : मध्य आणि पश्चिम रेल्वेच्या दादर स्थानकातील फलाट क्रमांकावरून होणारा प्रवाशांचा गोंधळ लक्षात घेता प्रशासनाने एका ओळीत फलाट क्रमांक देण्याचा निर्णय घेतला आहे. यामुळे पश्चिम रेल्वेवरील फलाट क्रमांक तेच राहणार असून मध्य रेल्वेवरील पहिल्या फलाटाला आता आठ क्रमांक मिळणार आहे.
दादर फलाटातील क्रमांक बदलण्यासाठी मध्य आणि पश्चिम रेल्वे अधिकाऱ्यांची नुकतीच बैठक पार पडली. त्यानंतर रेल्वे प्रशासनाने क्रमांक बदलण्यासाठी तयारी सुरू केली आहे. बैठकीत पश्चिम रेल्वेपासून एक क्रमांक ते मध्य रेल्वेच्या शेवटच्या फलाटापर्यंत अर्थात दादर टर्मिनसच्या फलाटापर्यंत अनुक्रमानुसार रांगेमध्ये क्रमांक देण्याचा निर्णय घेण्यात आला आहे. यामुळे पश्चिम रेल्वेवरील फलाटांचे क्रमांक बदलणार नाहीत. मात्र, मध्य रेल्वेवरील फलाट क्रमांक बदलण्यात येतील.
दादर फलाटातील क्रमांक बदलण्यासाठी मध्य आणि पश्चिम रेल्वे अधिकाऱ्यांची नुकतीच बैठक पार पडली. त्यानंतर रेल्वे प्रशासनाने क्रमांक बदलण्यासाठी तयारी सुरू केली आहे. बैठकीत पश्चिम रेल्वेपासून एक क्रमांक ते मध्य रेल्वेच्या शेवटच्या फलाटापर्यंत अर्थात दादर टर्मिनसच्या फलाटापर्यंत अनुक्रमानुसार रांगेमध्ये क्रमांक देण्याचा निर्णय घेण्यात आला आहे. यामुळे पश्चिम रेल्वेवरील फलाटांचे क्रमांक बदलणार नाहीत. मात्र, मध्य रेल्वेवरील फलाट क्रमांक बदलण्यात येतील.
शेतकऱ्यांसाठी मोठी बातमी! यंदा पेरणीची घाई करु नका; हवामानतज्ज्ञ काय म्हणताहेत? जाणून घ्या…
पश्चिम रेल्वे : १ ते ७
मध्य रेल्वे : ८ ते १५
मध्य रेल्वेच्या धीम्या मार्गावरील पहिला फलाट आता आठव्या क्रमांकाचा असेल. याच क्रमानुसार पुढील फलाट क्रमांक देण्यात येणार आहेत. दादर टर्मिनसमधील फलाट क्रमांकही याच क्रमात असणार आहे. यामुळे मध्य रेल्वेवरील फलाट क्रमांक आठपासून सुरू होणार असून टर्मिनसचा फलाट क्रमांक १५ असा असेल, असे रेल्वे अधिकाऱ्याने स्पष्ट केले. फलाट क्रमांकासह केंद्रीय रेल्वे सूचना प्रणालीमधील उद्घोषणा यंत्रणेतही त्यानुसार बदल करण्यात येणार आहे. पादचारी पूल आणि दिशादर्शक फलकांवरील क्रमांकही नव्याने देण्यात येतील.
‘हाफकिन बायोफार्मा’मधील अंतर्गत गोंधळ कायम; स्वतंत्र औषध प्राधिकरणाची घोषणा हवेत
