४ दशलक्षाहून अधिक एमएसएमईचा मजबूत आधार असलेले महाराष्ट्र हे भारतातील आघाडीवरील औद्योगिक राज्य असल्याचे सांगत, एमएसएमईसाठी क्लस्टर योजना सुरू केली असल्याचे त्यांनी नमूद केले.
महाविकास आघाडी सरकारच्या काळात बंद असलेल्या सर्व प्रकल्पांना आता युतीच्या सरकारने बळ दिले आहे. त्याचाच भाग म्हणून सरकारने अहमदाबाद-मुंबई दरम्यान बुलेट ट्रेनचा प्रकल्प पूर्णत्वास आणण्याच्या मार्गातील सर्व अडचणी दूर केल्या आहेत. तसेच, हिंदूहृदय सम्राट बाळासाहेब ठाकरे समृद्धी महामार्गाच्या दुसऱ्या टप्प्याचे लोकापर्ण गुरूवारी करण्यात आले असल्याचे त्यांनी सांगितले.
मुंबईतील राजकीय भूखंडांना चाप; महापालिका मोकळ्या भूखंडांबाबत नवे धोरण आखण्याच्या तयारीत
वॉटरग्रिडसाठी आर्थिक सहाय्याची मागणी
विदर्भातील पाणीटंचाई दूर करण्यासाठी, तसेच मराठवाडा आणि खानदेश या दोन्ही प्रदेशांना लाभ व्हावा यासाठी शासनाकडून नदीजोड प्रकल्प प्रस्तावित आहे, अशी माहिती शिंदे यांनी दिली. मराठवाडा विभागासाठी ‘वॉटरग्रिड’ योजना सुरू झाल्याचे नमूद करीत, यासाठी केंद्रशासनाकडून आर्थिक सहाय्य मिळावे, अशी विनंतीही त्यांनी यावेळी केली.
