कुलगुरू पदाच्या निवडीसाठी राज्यपाल महोदयांकडून नियुक्त करण्यात आलेला शोध समितीच्या अध्यक्षपदी कृषी अनुसंधान परिषदेचे निवृत्त डायरेक्टर जनरल डॉ.एस. अय्यप्पन तर भारतीय कृषी अनुसंधान परिषदेचे सहसंचालक डॉ.पी एन साहू यांची समन्वयक म्हणून काम पाहात आहेत. तसेच अन्य दोन ते तीन कृषी शास्त्रज्ञांचा या समितीमध्ये समावेश आहे.
कुलगुरू पदासाठी इच्छुकांमधून अर्ज केलेल्या एका व्यक्तीने महसूलमंत्री राधाकृष्ण विखे पाटील यांच्याकडे वजन वापरल्याची चर्चा आहे. याच व्यक्तीच्या पीएचडी पदवीच्या ग्राहयतेबाबत डॉ. बाळासाहेब सावंत कोकण कृषी विद्यापीठाचे मावळते कुलगुरू डॉ. संजय सावंत यांनी त्री सदस्यीय चौकशी समितीही नेमली होती. या वृत्ताला दुजोरा देत हा चौकशी अहवाल राज्य कृषी परिषदेकडे देण्यात आल्याची माहिती कुलसचिव कार्यालयाकडूनही देण्यात आली आहे. हा चौकशी अहवाल या समितीकडून सकारात्मक देण्याचा प्रयत्न झाला असला तरी या समितीमधील एका कृषी शास्त्रज्ञाने यावर सही केलेली नाही. त्यामुळे कुलगुरू पदासाठी पीएचडी पदवीच्या ग्राह्यतेबाबत कुलगुरू निवड समिती व राज्यपाल महोदयांकडे कोकणातील काहींनी तक्रारीही केल्याची माहिती आहे.
दिल्ली विद्यापीठाचा मोठा निर्णय! राष्ट्रकवी इक्बाल अन् गांधीजीऐवजी आता सावरकरच…
दरम्यान बाळासाहेब सावंत कोकण कृषी विद्यापीठाच्या कुलगुरू पदावरती कोकणातील असलेल्या कृषी शास्त्रज्ञाचीच निवड करण्यात यावी तरच कोकण कृषी विद्यापीठाचे राष्ट्रीय स्तरावर घसरलेले मानांकन रोखता येईल व पुन्हा एकदा कृषी विद्यापीठाला चांगले दिवस येतील असं डॉ.चंद्रकांत मोकल यांनी म्हटलं आहे. मावळते कुलगुरू डॉ. संजय सावंत यांच्या आजवरच्या कार्यपद्धतीबद्दल माजी आमदार व कृषी विद्यापीठाच्या कार्यकारी परिषदेचे माजी सदस्य डॉ. चंद्रकांत मोकल यांनी जाहीर नाराजी व्यक्त केली आहे.
Ratnagiri News Marathi | रत्नागिरी बातम्या | Ratnagiri Local News
