हॉटेलच्या उद्घाटनला गेले, बाथरुमची स्पेस कमी लक्षात आलं, दादांनी मालकाला तिथेच अंघोळ करायला लावली!अजित पवार काय म्हणाले..?
आप्पा राजकारणात काही खरं नाही..आपले यात केस न केस गेले… त्यामुळे मला असं वाटतं की तुमची पुढची उमेदवारी नाकारतो.. म्हणजे तुम्ही तुमच्या पिढी करिता काही तरी करून ठेवाल…. असे अजित पवार मिश्किलपणे म्हणाले. दादांच्या बोलण्याचा रोख उपस्थितांच्या लक्षात आला. कार्यक्रमस्थळी एकच हशा पिकला. पण दादा भविष्याचा वेध घेत असल्याने आप्पांनी उसणं अवसान आणून चेहऱ्यावर स्मितहास्य ठेऊन तुम्ही म्हणता ते बरोबर… असं दाखवण्याचा प्रयत्न केला.
दादांनी वक्तव्य जरी गमती गमतीमध्ये केलेलं असलं तरी यंदा राष्ट्रवादी दौंडमध्ये विधानसभेला वेगळ्या उमेदवाराची चाचपणी करणार असल्याचे संकेत आहेत. त्यामुळे जर आप्पांना तिकीट नाही मग राष्ट्रवादी तिकीट कुणाला देणार? अशा चर्चांना तालुक्यात उधाण आलं आहे. साहजिकच दौंडच्या राजकारणाला वेगळी कलाटणी मिळणार असल्याची चर्चा तालुक्यामध्ये रंगू लागली आहे.
श्रेष्ठींनी सांगितले म्हणून थांबलो, विखे पाटलांसोबतच्या वादावरून राम शिंदे यांचे सूचक वक्तव्य
मागच्या दोन विधानसभा निवडणुकांमध्ये राष्ट्रवादी काँग्रेसचे उमेदवार रमेश थोरात यांचा भाजपचे राहुल कुल यांनी पराभव केला आहे. तसेच नुकत्याच झालेल्या दौंड कृषी उत्पन्न बाजार समितीच्या निवडणुकीमध्ये प्रथमच राष्ट्रवादीला पराभवाचे तोंड पाहावे लागले. तालुक्यातील एकएक संस्था हातातून जात असताना राष्ट्रवादी काँग्रेसमध्ये सर्वकाही अलबेल नसल्याचे चित्र आहे. अजित पवार यांनी मिश्किल पणे का होईना पण रमेश थोरात यांची उमेदवारी नाकारतो असं म्हटल्याने ‘नाराज गटात’ उत्साह संचारला आहे.
