अहमदाबाद : चेन्नई सुपर किंग्ज आणि गुजरात टायटन्स यांच्यातील आयपीएल २०२३ चा अंतिम सामना अहमदाबादच्या नरेंद्र मोदी स्टेडियमवर खेळवला जाणार आहे. खरं तर हा अंतिम सामना २८ मे रोजी खेळवला जाणार होता, पण पावसाने सगळा खेळ बिघडवला आणि त्यामुळे हा सामना २९ मे ला राखीव दिवशी खेळवला जात आहे. चेन्नईचा कर्णधार आणि अनुभवी यष्टीरक्षक फलंदाज महेंद्रसिंग धोनीने नाणेफेकसाठी मैदानात उतरताच इतिहास रचला. त्याने आपल्या कारकिर्दीत आणखी एक टप्पा गाठला. अशी कामगिरी करणारा धोनी आयपीएलमधील पहिला खेळाडू ठरला आहे. त्याच्याआधी आयपीएलचे मोठे दिग्गज खेळाडू ख्रिस गेल किंवा एबी डिव्हिलियर्सही हा पराक्रम करू शकले नाहीत. किंग विराट कोहली आणि रोहित शर्माही या बाबतीत धोनीच्या मागे पडले आहेत.चेन्नई सुपर किंग्ज आणि गुजरात टायटन्स यांच्यात होणारी आयपीएल २०२३ ची फायनल हा महेंद्रसिंग धोनीचा आयपीएलमधील २५० वा सामना असेल. मैदानात उतरताच धोनीने हा इतिहास रचला. आयपीएलमध्ये २५० सामने खेळणारा धोनी आता पहिला खेळाडू ठरला आहे. आतापर्यंत इतर कोणत्याही खेळाडूला ही कामगिरी करता आलेली नाही. इतकंच नाही तर इंडियन प्रीमियर लीगच्या इतिहासात माही हा सर्वाधिक सामना खेळलेला खेळाडू आहे. यानंतर या यादीत रोहित शर्मा २४३ सामन्यांसह दुसऱ्या क्रमांकावर आहे.धोनीची आतापर्यंतची आयपीएल कारकीर्द४२ वर्षीय महेंद्रसिंग धोनीने आयपीएलमध्ये आतापर्यंत २४९ सामने खेळले असून, १३५.९६ च्या स्ट्राइक रेटने फलंदाजी करताना ३९.९ च्या सरासरीने ५०८२ धावा केल्या आहेत. यादरम्यान त्याच्या बॅटमधून २४ अर्धशतके झळकली आहेत. धोनीची आयपीएलमधील नाबाद ८४ धावा ही सर्वोत्तम धावसंख्या आहे. धोनीने त्याच्या नेतृत्वाखाली चेन्नई सुपर किंग्जला चार वेळा आयपीएलचे विजेतेपद मिळवून दिले आहे आणि दोनदा चॅम्पियन्स लीगही जिंकली आहे.IPL मध्ये सर्वाधिक सामने खेळणारे ५ खेळाडूएमएस धोनी – २५० सामनेरोहित शर्मा – २४३ सामनेदिनेश कार्तिक – २४२ सामनेविराट कोहली – २३७ सामनेरवींद्र जडेजा – २२५ सामने
