म. टा. प्रतिनिधी, पुणे: शेतीला दिवसा पाणी देण्यासाठी महाराष्ट्र ऊर्जा विकास अभिकरणामार्फत (महाऊर्जा) राबवण्यात येणाऱ्या ‘पंतप्रधान कुसुम’ योजनेतून सौर कृषीपंप घेण्यासाठी राज्यभरातून २३ हजार ५८४ शेतकऱ्यांचे अर्ज प्राप्त झाले आहेत. त्यात पुणे जिल्ह्यातील सर्वाधिक २,६०२ अर्जदारांचा समावेश आहे. एकाच वेळी अनेक शेतकरी ‘महाऊर्जा कुसुम’ योजनेच्या संकेतस्थळावर अर्ज करत असल्याने त्यावर प्रक्रिया होण्यास विलंब लागत आहे. त्या पार्श्वभूमीवर सर्व शेतकऱ्यांना या योजनेचा लाभ घेता यावा, यासाठी ‘महाऊर्जा’कडून जिल्हानिहाय कोटा वाढवून देण्यात येत आहे.

शेतीचे सिंचन करणाऱ्या कृषीपंपांना सौर ऊर्जेचे बळ देण्यासाठी केंद्र सरकारकडून ‘पंतप्रधान किसान ऊर्जा सुरक्षा व उत्थान योजना’ (पीएम-कुसुम) राबवली जाते. त्या अंतर्गत केंद्रीय नवीन व नवीकरणीय ऊर्जा मंत्रालयाने राज्यात दर वर्षी एक लाख याप्रमाणे आगामी पाच वर्षांत पाच लाख सौर कृषीपंप बसवण्याचे उद्दिष्ट निश्चित केले आहे. या योजनेत सर्वसाधारण प्रवर्गातील शेतकऱ्याला सौर कृषीपंपाच्या किमतीच्या ९० टक्के व अनुसूचित जाती-जमाती प्रवर्गातील शेतकऱ्याला सौर कृषीपंपाच्या किमतीच्या ९५ टक्के अनुदान देण्यात येते. त्यासाठी ‘महाऊर्जा’मार्फत १७ मेपासून ‘कुसुम योजने’चे संकेतस्थळ कार्यान्वित करण्यात आले असून, जिल्ह्याच्या लोकसंख्येनुसार उपलब्ध कोट्यात ‘प्रथम येणाऱ्यास प्रथम प्राधान्य’ या तत्त्वावर सौर कृषीपंप उपलब्ध करून दिले जात आहेत. त्याला शेतकऱ्यांचा उदंड प्रतिसाद लाभत असून, एकाच वेळी अनेक शेतकरी अर्ज करत असल्याने संकेतस्थळ ठप्प होत आहे. त्यामुळे शेतकऱ्यांकडून नाराजी व्यक्त केली जात आहे. त्या पार्श्वभूमीवर ‘महाऊर्जा’मार्फत संकेतस्थळाचा दररोज आढावा घेऊन जिल्हानिहाय कोटा वाढवून दिला जात आहे. त्यामुळे सौर कृषीपंपांच्या प्रतीक्षेत असलेल्या शेतकऱ्यांनी कोटा उपलब्ध झाल्यावर अर्ज करावा, असे आवाहन ‘महाऊर्जा’चे महासंचालक रवींद्र जगताप यांनी केले आहे.

बनावट संकेतस्थळावर अर्ज करू नका

शेतकऱ्यांच्या कृषीपंपांना सौर ऊर्जेच्या माध्यमातून वीजपुरवठा करण्यासाठी राज्य सरकारकडून ‘पीएम-कुसुम’ योजनेला गती दिली जात आहे. या योजनेतून शेतकऱ्यांना त्यांच्या शेतजमिनीच्या आकारानुसार तीन, पाच आणि साडेसात अश्वशक्ती क्षमतेचे पारेषण विरहित सौर कृषीपंप देण्यात येतात. अडीच एकरपर्यंत शेतीसाठी तीन अश्वशक्ती, पाच एकर शेतजमिनीसाठी पाच अश्वशक्ती व त्यापेक्षा जास्त शेतजमीनधारकाला साडेसात अश्वशक्ती क्षमतेचे सौर कृषीपंप दिले जातात. त्यासाठी शेतकऱ्यांनी ‘महाऊर्जा’च्या संकेतस्थळावरूनच ऑनलाइन अर्ज करावा, इतर कोणत्याही बनावट किंवा फसव्या संकेतस्थळाचा वापर करू नये; तसेच अर्ज करताना येणाऱ्या अडचणींबाबत ०२०-३५०००४५६ किंवा ०२०-३५०००४५७ या क्रमांकांवर तक्रार नोंदवावी, असे आवाहनही ‘महाऊर्जा’ने केले आहे.
Balu Dhanorkar: त्याकाळी बाळू धानोरकरांच्या पत्नीला ‘ते’ एक वाक्य ऐकवून हिणवलं जायचं, लोक म्हणायचे…

असा आहे लाभार्थ्यांचा हिस्सा

पंपाची क्षमता पंपाची किंमत (जीएसटीसह) सर्वसाधारण प्रवर्गाचा हिस्सा (१० टक्के) अनुसूचित जाती-जमाती प्रवर्गाचा हिस्सा (पाच टक्के)

तीन एचपी १,९३,८०३ रुपये १९,३८० रुपये ९,६९० रुपये

पाच एचपी २,६९,७४६ रुपये २६,९७५ रुपये १३,४८८ रुपये

साडेसात एचपी ३,७४,४०२ रुपये ३७,४४० रुपये १८,७२० रुपये
Balu Dhanrokar Passed Away : खासदार बाळू धानोरकर यांचं निधन, कुटुंबीयांसह चंद्रपूर जिल्ह्यावर शोककळा

जिल्हा प्राप्त अर्जांची संख्या

पुणे २,६०२

सांगली १,८२०

नाशिक १,७६९

सोलापूर १,४५०

अहमदनगर १,४१९
Rs 2000 Notes: चिदंबरम यांना प्रत्युत्तर देत अर्थमंत्री सीतारामन हे काय बोलून गेल्या, नोटबंदीवर म्हणाल्या…

LEAVE A REPLY

Please enter your comment!
Please enter your name here