कंपनीच्या संचालक मंडळाने अनिल सरदाना यांची कंपनीचे एमडी म्हणून १० मे पासून पाच वर्षांसाठी पुनर्नियुक्ती करण्यास मान्यता दिली आहे. याशिवाय कंपनीचे नाव अदानी ट्रान्समिशनवरून बदलून अदानी एनर्जी सोल्युशन्स असे करण्यासही बोर्डाच्या बैठकीत मान्यता देण्यात आली.
LIC Share: मजबूत निकालाने गुंतवणूकदारांमध्ये उत्साह, शेअरची किंमत तेजीत वाढतेय, वाचा डिटेल्स
निकालावर गौतम अदानी यांचे भाष्य
अदानी समूहाचे अध्यक्ष गौतम अदानी म्हणाले, अदानी ट्रान्समिशन नेत्रदीपक वाढ देण्यासाठी उत्तम स्थितीत आहे. आम्ही आमच्या देशाच्या वाढत्या विजेच्या गरजा पूर्ण करण्यासाठी आणि जागतिक दर्जाची उपयुक्तता म्हणून आमचे स्थान मजबूत करण्यासाठी उत्सुक आहोत. त्या दिशेने काम करत आहोत.
EBITDA वाढला
या तिमाहीत अदानी ट्रान्समिशनचा EBITDA ९ टक्क्यांनी वाढून ८७२ कोटी रुपये झाला आहे. त्याच वेळी वितरण EBITDA ४३% वाढून ८३४ कोटी रुपये झाले.
अदानींच्या शेअर्सचा धमाका! या गुंतवणूकदाराने १०० दिवसात कमावले ७६८३ कोटी रुपये, पाहा कोण आहे
अदानी ट्रान्समिशन शेअर किंमत
मंगळवारी अदानी ट्रान्समिशनचा शेअर घसरला. कंपनीचा शेअर्स ४.७८ टक्क्यांपर्यंत घसरून ७९२.४० रुपयांपर्यंत आला. गेल्या पाच सत्रांमध्ये हा शेअर्स १२ टक्क्यांनी घसरला असून मागील एका महिन्यात या शेअर्समध्ये २०.३७ टक्क्यांनी घट झाली आहे. याशिवाय निकालापूर्वी अदानी ट्रान्समिशनच्या शेअर्सवर विक्रीचा दबाव दिसून आला. सोमवारी कंपनीचे निकाल जारी झाले आणि विक्रीमुळे शेअर्स बीएसईवर ३.०४% घसरून ८२४.९० रुपयांवर आले. तर दिवसाच्या अखेरीस थोडी रिकव्हरी झाली, परंतु तरीही स्टॉक रेड झोनमध्ये क्लोज झाले. सोमवार, २९ मे रोजी बीएसईवर २.१७% घसरून स्टॉक ८३२.३५ रुपयांवर बंद झाला.
