राष्ट्रवादीचा बालेकिल्ला मानल्या जाणाऱ्या नगर जिल्ह्यात त्यावेळी स्वत: पवार यांनी लक्ष घालून प्रचार केला होता. त्यामुळे या निवडणुकीतील पराभव त्यांच्या जिव्हारी लागला आहे. यावेळी कोणत्याही परिस्थितीत हा मतदारसंघ जिंकायचा, अशी आतापासूनच तयारी सुरू करण्यात आली आहे. पक्षाच्या वर्धापनादिनाचा मेळावाही ९ जूनला नगरला ठेवण्यात आला आहे.
स्वाभिमानाशी तडजोड करुन जगणार नाही, कुस्तीपटू ऑलिम्पिकमधली पदकं गंगेत विसर्जित करणार
शरद पवार यांचे कट्टर समर्थक आमदार लंके यावेळी लोकसभेचे उमेदवार असतील, असे संकेत अनेक दिवसांपासून मिळत आहेत. तथापि आजच्या बैठकीत लंके यांच्यासोबतच पक्षाचे जिल्हाध्यक्ष राजेंद्र फाळके, नगरचे माजी आमदार अरुणकाका जगताप, माजी आमदार दादाभाऊ कळमकर तसेच श्रीगोंद्याचे गेल्या विधानसभेला थोडक्यातत पराभव झालेले घनःश्याम शेलार यांच्या नावांचीही चर्चा झाली. जो कोणी उमेदवार द्यायचा असेल तो लवकर द्यावा, म्हणजे तयारी सुरू करता येईल, अशी मागणीही जिल्ह्यातील पदाधिकाऱ्यांनी केली.
दरम्यान, या बैठकीला नगरमधून जिल्हाध्यक्ष राजेंद्र फाळके, आमदार प्राजक्त तनपुरे, आमदार संग्राम जगताप, माजी आमदार दादाभाऊ कळमकर, माजी आमदार राहुल जगताप, माजी आमदार चंद्रशेखर घुले, घनःश्याम शेलार, अंबादास गारुडकर, राजेंद्र कोठारी उपस्थित होते. चौंडी येथील कार्यक्रमाच्या तयारीमुळे आमदार रोहित पवार आणि कुटुंबातील लग्न समारंभामुळे आमदार निलेश लंके या बैठकीला उपस्थित नव्हते.
