टायटनच्या शेअर्समध्ये उसळी
गेल्या काही दिवसांपासून टायटनच्या शेअर्समध्ये तुफानी उसळी पाहायला मिळत आहे. गेल्या दोन महिन्यांत शेअरने ५०० रुपयांहून अधिक उसळी घेतली आहे. १३ मार्च २०२३ पर्यंत टायटनचे शेअर्स बीएसईवर २३३४ रुपयावर व्यवहार करत होते. तर ३० मे २०२३ रोजी टायटनचे शेअर्स बीएसईमध्ये २८४०.६० रुपयांवर पोहोचले होता. अशा स्थितीत या काळात टायटनच्या शेअर्सनी ५०० रुपयांहून अधिक मुसंडी मारली आहे.
Share Market: चीनची ढासळती स्थिती, अदानींच्या शेअर्सनी बदलला खेळ; भारतीय शेअर मार्केटची उंच भरारी
टायटन शेअर्सचा नवा रेकॉर्ड
टाटा समूहाची कंपनी टायटनच्या शेअरने मंगळवारी बॉम्बे स्टॉक एक्स्चेंज म्हणजे BSE वर २८४०.६० रुपयांचा सार्वकालिक उच्चांक गाठला. कंपनीचे शेअर्स ३ रुपयांवरून २८०० रुपयांपर्यंत वाढले असून या कालावधीत कंपनीच्या शेअर्सनी गुंतवणूकदारना १०००००% पेक्षा जास्त परतावा दिला आहे. विदेश म्हणजे टायटन शेअर दिग्गज गुंतवणूकदार राकेश झुनझुनवाला यांचा आवडता स्टॉक आहे.
टायटन शेअरच्या किमतीचा इतिहास
BSE वर टायटन कंपनीचे शेअर्स ९ मे २००३ रोजी २.५७ रुपयांवर व्यवहार करत होते, तर ३० मे २०२३ रोजी शेअर्स २८४०.६० रुपयांवर पोहोचले. अशा स्थितीत जर एखाद्या व्यक्तीने ९ मे २००३ रोजी टायटनच्या शेअर्समध्ये एक लाख रुपये गुंतवले असतील आणि कंपनीचे शेअर्स विकले नसतील, तर सध्या खरेदी केलेल्या शेअर्सचे मूल्य ११.०५ कोटी रुपये झाले असेल. तर यामध्ये टायटनने जारी केलेले बोनस शेअर्स विचारात घेतलेले नाहीत.
LIC Share Price: जबरदस्त तिमाही नफा अन् रॉकेट बनला शेअर; ब्रोकरेज फर्मने दिली नवीन टार्गेट प्राईस, डिटेल्स पहा
झुनझुनवाला कुटुंबाला मोठा फायदा
मीडिया रिपोर्ट्सनुसार जानेवारी-मार्च २०२३ तिमाहीतील शेअरहोल्डिंग पॅटर्न पाहता रेखा झुनझुनवाला यांच्याकडे टायटनचे ४६९४५९७० शेअर्स म्हणजे टायटन कंपनीत त्यांची हिस्सेदारी ५.२९% आहेत. अशा स्थितीत रेखा झुनझुनवाला यांच्या संपत्तीत गेल्या दोन महिन्यांत २३०० कोटी रुपयांची भर पडली आहे.
(नोट: शेअर बाजारात जोखीम असते. त्यामुळे कंपनी किंवा स्टॉकमध्ये पैसे गुंतवण्यापूर्वी तज्ञाचा सल्ला घ्या.)
