वर्षातून एकदा बाप्पाच्या स्वागतासाठी कोकणात जाणाऱ्या प्रवाशांचा टक्का मोठा आहे. रेल्वे आरक्षण पूर्ण झाल्याने खासगी गाड्यांसाठी दोन ते तीन हजार रुपये मोजून चाकरमानी गावी पोहोचतात. या प्रवाशांना वंदे भारतमुळे दिलासा मिळणार आहे. मुंबई-मडगाव चेअर कारसाठी १ हजार ७४५ रुपये आणि ईसीसाठी (एक्झिक्युटिव्ह चेअर कार) ३ हजार २९० रुपये तिकीट निश्चित करण्यात आले आहे. यात आयआरसीटीसी खाद्यपदार्थ शुल्काचा समावेश आहे.
मुंबई-मडगाव मार्गावर तेजस एक्स्प्रेस धावत आहे. तेजसचे संपूर्ण प्रवासाचे भाडे चेअर कारसाठी १ हजार ५५५, ईसीसाठी ३ हजार ८० रुपये आहे. तेजस एक्स्प्रेसला पनवेल, चिपळूण, रत्नागिरी, कुडाळ स्थानकांत थांबा आहे. यामुळे कोकणवासीयांसाठी वेगवान रेल्वे प्रवासासाठी तेजससह वंदे भारतचादेखील पर्याय उपलब्ध राहणार आहे.
Weather Alert : मुंबईकर उकाड्याने हैराण, रविवारी कुठे कोसळणार पाऊस? राज्यात आठवडाभर असं राहणार हवामानछत्रपती शिवाजी महाराज टर्मिनस ते मडगाव दरम्यान सुपरफास्ट मेल-एक्स्प्रेसचे द्वितीय वातानुकूलितचे तिकीट १,६२० आणि तृतीय वातानुकूलितचा तिकीट दर १,१५० आहे. व्होल्वो बसचे भाडे १,३०० रुपये आहे. विमान प्रवासासाठी तीन हजारांपासून ते सहा हजार असे दर आहेत.
कोकणातील वेगवान एक्स्प्रेस असलेल्या तेजस एक्स्प्रेसपेक्षा वंदे भारतचे भाडे अधिक आणि डब्यांची संख्या कमी आहे. गणेशोत्सवासाठी १६ ते २४ डब्यांच्या गाड्यांचे आरक्षण काही मिनिटांत पूर्ण होते. यामुळे गोवा वंदे भारत एक्स्प्रेसला डबे वाढवले तरच चाकरमान्यांना या गाडीचा फायदा होईल, असे प्रवासी वैशाली चव्हाण यांनी सांगितले.
सीएसएमटी ते मडगाव प्रवासासाठी रस्ते, रेल्वे, हवाई पर्याय
– वंदे भारत (सीसी – ईसी) : १,७४५ – ३,२९० (प्रवास वेळ : ७ तास ५० मिनिटे)
– तेजस – सुपरफास्ट (सीसी – ईसी – ईव्ही) : १,५५५ – २,८६५ – ३,०८० (प्रवास वेळ : ८ तास ५० मिनिटे)
– सुपरफास्ट मेल-एक्स्प्रेस (तृतीय एसी – द्वितीय – प्रथम) : ११५० – १६२० – २७२० (प्रवास वेळ : १० तास ४० मिनिटे)
– एसी व्होल्वो – बैठे आसन – ९०० ते १००० शयन आसन – ११०० ते १३०० (१२ ते १४ तास)
– विमान प्रवास – तीन हजार ते सहा हजार रुपये (१ तास २० मिनिटे)
