म. टा. प्रतिनिधी, पुणेः पालकमंत्री आणि राज्याचे उपमुख्यमंत्री यांच्या आदेशानुसार सामाजिक उत्तरदायित्व निधीमधून (सीएसआर) पुणे जिल्ह्यात ५० व्हेंटिलेटर उपलब्ध करून देण्यात आले आहेत. त्याचे वाटपही करण्यात आले आहे. प्रत्येक तालुक्यातील ग्रामीण रुग्णालयासह जिल्ह्यातील कोव्हीड रुग्णालयांमध्ये त्याची सुविधा उपलब्ध करण्यात आली आहे.

पुणे शहरासह जिल्ह्यात करोनाचा संसर्ग वाढत असल्याने रुग्णालयांवर ताण येत आहे. त्याचाच भाग म्हणून ग्रामीण भागातील रुग्णांना शहरात यावे लागत आहे. तर जिल्हयात सुद्धा जिल्हा परिषदेने करोनाच्या रुग्णांसाठी कोव्हीड रुग्णालये सुरु केली आहेत. त्याशिवाय कोव्हीड केअर सेंटर देखील सुरु करण्यात आली आहेत. त्या शहरातील रुग्णालयांवर ताण येत असल्याने जिल्ह्यातही कोव्हीड रुग्णालयांमध्ये ऑक्सिजन तसेच व्हेंटिलेटरची सुविधा सुरु करण्याचे आदेश देण्यात आले होते. त्या पार्श्वभूमीवर व्हेंटिलेटरची गरज भासणार होती. परंतु, जिल्ह्यात विविध ठिकाणी व्हेंटिलेटर तसेच ऑक्सिजन सुविधा उपलब्ध करणे हे खर्चिक आणि महागडे असल्याने त्या खर्चाचा ताण जिल्हा परिषदेवर येणार होती. या संदर्भात जिल्हा परिषदेच्या पदाधिकाऱ्यांनी नुकत्याच पालकमंत्री अजित पवार यांच्या सोबत झालेल्या बैठकीत याबाबत चर्चा केली. त्या चर्चेवेळी अजित पवार यांनी सामाजिक उत्तरदायित्व निधीमधून (सीएसआर) कंपन्यांकडून व्हेंटिलेटर उपलब्ध करण्याचे आदेश दिले होते. त्या आदेशानंतर व्हेंटिलेटर उपलब्ध झाले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. I am regular visitor, how are you everybody? This article posted at this web site is in fact pleasant.

LEAVE A REPLY

Please enter your comment!
Please enter your name here