Water And Adventure Sports Tourism In Konkan, कोकणात फिरायला जाण्याचा विचार करताय? मग ही बातमी तुमच्यासाठी; पर्यटन विभागाचा मोठा निर्णय – water tourism in konkan closed for 3 months
Water And Adventure Sports Tourism In Konkan : कोकणातील जल व साहसी क्रीडा पर्यटन तीन महिने बंद ठेवण्याचा निर्णय घेण्यात आला आहे.
कोकणात पर्यटनाला जाण्याचा विचार करताय?
म. टा. वृत्तसेवा, चिपळूण : पावसाळा तोंडावर आल्याने समुद्रातील वातावरण बदलले आहे. त्यामुळे पर्यटकांच्या सुरक्षेच्या दृष्टिकोनातून कोकणातील जल व साहसी क्रीडा पर्यटन २६ मेपासून बंद ठेवण्याचा निर्णय पर्यटन विभागाने घेतला आहे. १ सप्टेंबरपर्यंत हा आदेश लागू राहणार आहे.नदी, खाड्या व समुद्र परिसरात हा बंदीआदेश असेल. कोकण किनारपट्टीवरील साहसी क्रीडा प्रकार यामुळे थांबणार आहेत. मागील काही वर्षांत रत्नागिरी जिल्ह्यात दापोली, गुहागर आणि तालुक्यातील अनेक किनारपट्ट्यांवर साहसी क्रीडा प्रकार, नौकानयन सुरू करण्यात आले आहे. यासाठी मुंबई, पुणे, नागपूर परिसरातून मोठ्या संख्येने पर्यटक येत असतात. विशेषत: जलपर्यटनाला वाढता प्रतिसाद मिळत आहे. मात्र, मान्सून जूनमध्ये सक्रिय होण्याची शक्यता असल्याने पर्यटन संचालनालयाचे सहायक संचालक रवींद्र पवार यांनी सर्व वॉटर स्पोर्ट्स संस्थाचालकांना शुक्रवार २६ मे ते ३१ ऑगस्टपर्यंत जलपर्यटन बंद ठेवण्याचे आदेश दिले आहेत. पर्यटकांच्या सुरक्षिततेसाठी हा निर्णय घेण्यात आल्याचा आदेशात नमूद करण्यात आले आहे. १४ वर्षीय वेदांतचा पोहण्याचा मोह जीवावर बेतला; आई-वडिलांनी एकुलत्या एका मुलाला गमावले
महत्वाचे लेख
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
Ratnagiri News Marathi | रत्नागिरी बातम्या | Ratnagiri Local News
१४ वर्षीय वेदांतचा पोहण्याचा मोह जीवावर बेतला; आई-वडिलांनी एकुलत्या एका मुलाला गमावले
