पॅन-आधार लिंकिंगची अंतिम मुदत
पॅन-आधार लिंकिंगची अंतिम मुदत, जी मार्चमध्ये पुढे ढकलण्यात आली होती, ती या महिन्यात संपत आहे. पण तुमच्याकडे अजूनही या दोन्ही दस्तऐवजांना लिंक करण्यासाठी काही दिवस शिल्लक आहेत. सीबीडीटीने करदात्यांना दोन्ही दस्तऐवज लिंक करण्यासाठी ३० जून २०२३ पर्यंतची मुदत दली आहे. मात्र, त्यासोबत तुम्हाला १००० रुपये दंड भरावा लागेल.
Rule Change June 1: नवीन महिन्यात नवीन बदल; सोन्याचे हॉलमार्किंग ते LPG गॅसची किंमत, आजपासून बदलले ‘हे’ नियम
मोफत आधार अपडेटची संधी
जर तुम्हाला तुमच्या आधार कार्डमध्ये जुने तपशील जसे की तुमचा पत्ता, फोटो किंवा मोबाईल नंबर – अपडेट करायचे असतील तर तुम्ही १४ जून २०२३ पर्यंत कोणतेही शुल्क न भरता मोफत सुविधेचा लाभ घेऊ शकता. पण लक्षात घाई की ही मोफत सुविधा फक्त ऑनलाईन अपडेट करण्यासाठी आहे. आधारचे असे अनेक तपशील आहेत, जे तुम्ही फक्त ऑफलाइन अपडेट करू शकता. त्यामुळे यासाठी तुम्हाला myAadhaar पोर्टलवर तपासावे लागेल की तुम्हाला कोणते तपशील अपडेट करण्याची संधी आहे.
EPFO उच्च पेन्शनसाठी अर्ज करण्याची संधी
कर्मचारी भविष्य निर्वाह निधी संघटनेच्या कर्मचार्‍यांच्या पेन्शन योजनेसाठी (EPS) नवीन उच्च निवृत्तीवेतन योजनेसाठी अर्ज करण्याची यंदा शेवटची संधी आहे. वाढीव निवृत्ती वेतन योजना आणि सर्वोच्च न्यायालयाच्या आदेशाबाबत स्पष्टता नसल्यामुळे EPFO ने अर्ज दाखल करण्याची अंतिम मुदत २६ जून २०२३ पर्यंत पुढे ढकलली होती.
Mutual Funds for Senior Citizens: ज्येष्ठ नागरिकांसाठी म्युच्युअल फंड सही है? फायदे आणि तोटे समजून घ्या
बँक लॉकर कराराचे नूतनीकरण
बँक लॉकरबाबत बँकांच्या कराराचे नूतनीकरण करण्याची अंतिम मुदत ३१ डिसेंबर २०२३ असली तरी आरबीआयने बँकांना त्यांचे ५०% नूतनीकरण ३० जून २०२३ पर्यंत आणि ७५% नूतनीकरण ३० सप्टेंबर २०२३ पर्यंत करण्यास सांगितले आहे. त्यामुळे जर तुम्ही बँकेत लॉकर घेतले असेल तर बँकेत जाऊन तुमच्या कराराचे नूतनीकरण करून घ्या.
एसबीआय WeCare एफडी अंतिम मुदत
याशिवाय भारतीय स्टेट बँकेच्या आणखी एका विशेष FD योजनेत गुंतवणूक करण्याची संधी ३० जून २०२३ पर्यंत आहे. ही ज्येष्ठ नागरिकांसाठी आणलेली एक विशेष योजना असून यामध्ये बँक तुम्हाला पाच ते १० वर्षांच्या FD वर ७.५०% पर्यंत व्याज देते. याशिवाय, तुम्हाला सरकारी बँक एसबीआयची विशेष FD योजना अमृत कलश स्पेशल एफडी स्कीममध्ये गुंतवणूक करण्याची ३ जूनपर्यंत संधी असून इथे तुम्हाला ७.१०% पर्यंत परतावा आणि ज्येष्ठ नागरिकांना ७.६०% पर्यंत परतावा मिळतो.
