मुलासोबत खेळला लुडो, नंतर मारून घेतले विषारी इंजेक्शन, मुलाला असे फसवले; एका डॉक्टरची हृदयद्रावक कहाणीअसाच टेलिग्राम अ‍ॅप सर्वत्र धुमाकूळ घालत असून अनेकजण यामध्ये समाविष्ट होत आहेत. एका भामट्याने धाराशिव शहरातील एका मुलीला टेलिग्राममध्ये अ‍ॅड करुन घेतले. नंतर ग्रुपवर वेगवेगळे टास्क दिले. सुरुवातीला काही पैसे दुप्पट करुन दिले. त्यामुळे दोघांना विश्वास बसला की खरेच पैसे दुप्पट होतात. दि १६ मे २०२३ ते २७ मे २०२३ या दरम्यान तिच्यासह तिच्या भावाला चक्क १४ लाख ९७ हजार रुपयांचा गंडा बसलाय.
या बाबत अधिक माहिती अशी की, धाराशिव शहरातील ग्रीनलॅन्ड शाळेजवळील शिवानी उदयसिंह निंबाळकर यांच्या भावाचे व्हॉट्सअप मोबाइल क्रमांक २१२६९५९१०६६० च्या धारकाने मॅसेज करुन व टेलीग्राम ग्रुपला अ‍ॅड करुन जास्त पैसे मिळतील असे आमिष दाखवून टेलीग्राम ग्रुपवर वेगवेगळे टास्क दिले. असे करून शिवानी यांना वेगवेगळ्या खात्यावर पैसे पाठवण्याचे मेसेज देत पैसे पाठवण्यास सांगितले. अशा प्रकारे त्यांची व त्यांच्या भावाची १४ लाख ९७ हजार रुपयांची ऑनलाईन फसवणूक केली.
नवी मुंबईकरांसाठी मोठी बातमी; या घरांना देणार मालमत्ता करमाफी, मुख्यमंत्र्यांनी मागवला प्रस्ताव
या प्रकरणी शिवानी निंबाळकर यांनी दिलेल्या तक्रारीवरून भारतीय दंड संहिता कलम- ४२०, ३४, ६६ (डी) माहिती तंत्रज्ञान कायदा अंतर्गत सायबर पोलीस कडे गुन्हा नोंदविला आहे. पोलिसांनी तत्काळ तपासाची चक्रे फिरवून बँकेला या बाबत कल्पना दिली. बँकेने ६ लाख ७५ हजार रुपये रोखून ठेवले. या प्रकरणी पोलीस अधिक्षक अतुल कुलकर्णी, अप्पर पोलीस अधीक्षक नवनीत काँवत यांच्या मार्गदर्शनाखाली सायबर क्राइम पोलीस निरिक्षक खाँजा पटेल हे पुढील तपास पोलीस करीत आहेत.
अचानक ब्रेक फेल झाले, भरधाव रिक्षा २० फूट खोल खड्ड्यात पडली, एकाच कुटुंबातील तिघांचा मृत्यू, ४ गंभीर
