रेल्वेच्या चौकशीत घोळ उघड
कोरोमंडल एक्स्प्रेसला मेन लाइनसाठी आधी हिरवा व नंतर काही क्षणांतच पुन्हा लाल सिग्नल देण्यात आला. मात्र, त्याचवेळी ही एक्स्प्रेस मालगाडी उभ्या असलेल्या पर्यायी मार्गिकेवर वेगात पोहोचली व अपघात घडला.
१७ डब्यांचा चक्काचूर, ११०० जखमी
‘कोरोमंडल’मध्ये १२५७; तर बेंगळुरू-हावडा सुपरफास्ट एक्स्प्रेसमध्ये आरक्षित तिकीट असलेले १०३९ असे एकूण २२९६ प्रवासी होते. १७ डब्यांचा चक्काचूर होऊन ११००हून अधिक प्रवासी जखमी झाले.
४८ गाड्या रद्द; ३९ वळवल्या
अपघाताच्या विभागातून मार्गक्रमण करणाऱ्या ४८ रेल्वेगाड्या रद्द व ३९ गाड्या अन्य मार्गावर वळविण्यात आल्या आहेत. १० गाड्या गंतव्यस्थानापासून दूर थांबल्या आहेत. बहुतांश गाड्या दक्षिण आणि दक्षिण-पूर्व विभागातील आहेत.
Mumbai Local : पश्चिम रेल्वेवर उद्या १४ तासांचा ब्लॉक जाहीर; या गाड्यांवर होणार परिणाम, जाणून घ्या वेळापत्रक
भीषण अपघातांपैकी एक
बेंगळुरू-हावडा सुपरफास्ट एक्स्प्रेस, शालिमार-चेन्नई सेंट्रल कोरोमंडल एक्स्प्रेस आणि एक मालगाडी यांच्यात शुक्रवारी झालेला भीषण तिहेरी अपघात हा स्वातंत्र्यानंतर झालेल्या सर्वांत भीषण अपघातांपैकी एक ठरला आहे.
