कर्नाटक विधानसभा निवडणुकीत काँग्रेसने भाजपला धक्का देऊन, २२४ पैकी १३५ जागांवर विजय मिळवला होता. मात्र, राज्यात स्पष्ट बहुमत मिळूनही मुख्यमंत्रिदासाठीच्या चढाओढीत सत्तास्थापनेला विलंब होत होता. सध्या मुख्यमंत्री असलेले सिद्धरामय्या आणि शिवकुमार यांच्यात या पदासाठी जोरदार रस्सीखेच सुरू होती. याबाबत नवी दिल्लीतील काँग्रेस वर्तुळात चर्चेच्या अनेक फेऱ्या झाल्या व अखेर पक्षश्रेष्ठींना शिवकुमार यांची समजूत काढण्यात यश आले. त्यांनी नमते घेतल्यानंतर सत्तास्थापनेचा तिढा सुटला. आपल्या या माघारीबाबत शिवकुमार यांनी प्रथमच खुलासा केला.
उपमुख्यमंत्री झाल्यानंतर शिवकुमार यांनी प्रथमच त्यांच्या मतदारसंघाला भेट दिली. आपणास मुख्यमंत्रिपदावर पाहण्याची तुमची इच्छा अपुरी राहणार नाही. पण त्यासाठी संयमाने वाट पाहावी लागेल, असे त्यांनी यावेळी मतदात्यांना सांगितले.
बृजभूषण सिंह यांना वाचवण्याची केंद्राची धडपड, चर्चेच्या प्रस्तावाची तयारी, सरकारचं टेन्शन वाढवणारी अपडेट समोर
‘मला मुख्यमंत्री बनवण्यासाठीच तुम्ही प्रचंड मोठ्या प्रमाणात मतदान केले. पण काय करणार, वेगळाच निर्णय झाला. राहुल गांधी, सोनिया गांधी आणि मल्लिकार्जुन खर्गे यांनी मला सल्ला दिला. मला त्यांच्या शब्दाखातर नमते घ्यावे लागले, संयमाने घ्यावे लागले. पण मी तुम्हाला एवढेच सांगू इच्छितो की तुमची मला मुख्यमंत्री म्हणून पाहण्याची तुमची इच्छा अपुरी राहणार नाही. थोडा धीर धरा,’ असे शिवकुमार सभेत म्हणाले.
भाजपला लोकसभेला किती जागा मिळणार? माजी केंद्रीय मंत्र्यानं आकडा सांगितला, कारणही सांगितलं
‘मी इथे तुमचे आभार मानायला आणि आशीर्वाद घेण्यासाठी आलो आहे,’ असे नमूद करतानाच शिवकुमार यांनी आपले समर्थक व पक्ष कार्यकर्त्यांना आगामी स्थानिक स्वराज्य संस्थांच्या निवडणुकीच्या तयारीला लागण्याचे निर्देश दिले.
शिंदे-फडणवीस सरकारकडून महत्त्वाचे फेरबदल, सनदी अधिकाऱ्यांच्या बदल्या, या अधिकाऱ्याची २४ तासांत पुन्हा बदली
