सोलापूर पुणे महामार्गावर पाकणीहून सोलापूरच्या दिशेने दोन कार आणि एका दुचाकी येत होत्या. त्यावेळी कारचे टायर फुटल्याने कारवरचं नियंत्रण सुटून समोरून दुचाकीवर येणाऱ्या शिवयोगी हांडे व भैरम्मा शिवयोगी हांडे ( वय ४५, रा. कुमार स्वामी नगर, शेळगी) यांना धडक दिली. त्याचवेळी पाठीमागून येणाऱ्या दुसऱ्या कारची धडक बसली. यात कार पलटी होऊन दुभाजकावर जाऊन अडकली. या अपघातात भैरम्मा हांडे यांचा आणि कारमधील विहान मयूर कांगडे ( वय १४, रा. मुंबई ) याचा मृत्यू झाला आहे. तर बबलू कांगडे, मारूती बागडे, मयूर कांगडे, रतन कांगडे हे जखमी झाले आहेत. जखमींना खासगी हॉस्पिटलमध्ये दाखल करण्यात आलं आहे. घटनेची माहिती मिळताच तालुका पोलीस ठाण्याचे पोलीस निरीक्षक नामदेव शिंदे, हवालदार लोंखडे, कॉन्स्टेबल रमीज शेख हे घटनास्थळी भेट दिली. जखमींना खासगी दवाखान्यात उपचारासाठी दाखल केले तर मृतदेह शासकीय रुग्णालयात शवविच्छेदनसाठी दाखल केले.
यल्लम्मा देवीच्या यात्रेवरून परतताना काळाचा घाला, ट्रकने कारला चिरडलं, दोन मुलांसह सहा ठारसोलापूर तुळजापूर महामार्गावर दोन महिला ठार
सोलापूर तुळजापूर महामार्गावर एका डंपरने दुचाकीस्वाराला धडक दिली आहे. सोलापूर तुळजापूर मार्गावर असलेल्या तळे हिप्परगा परिसरात येथे दुचाकीवरून ट्रिपल सीट जाताना अज्ञात डंपरने पाठीमागून धडक दिली. दुचाकीवरील आसिफ अमीन शेख हे गंभीर जखमी झाले, तर शरीफा आसिफ शेख ( वय ३५, रा. तळे हिप्परगा), सलीमा बशीर चौधरी ( वय ५०, रा. पुणे ) या दोन महिलांचा मृत्यू झाला. यावेळी मुलाने रस्त्यावरच टाहो फोडला. या घटनेचा काळीज चिरणारा व्हिडिओ व्हायरल झाला आहे.
अपघाताच्या या दोन्ही घटनांची नोंद सिव्हिल पोलीस चौकीत झाली आहे. शरिफा शेख यांच्या मुलीचा विवाह काही दिवसांपूर्वी झाला होता. मुलीच्या घरी एका कार्यक्रमा निमित्ताने शरिफा शेख गेल्या होत्या. परत जाताना शरिफा शेख आणि सलीमा चौधरी यांना अज्ञात डंपरबे चिरडलं. शासकीय रुग्णालयात आईचा छिन्नविच्छिन्न मृतदेह पाहून मुलीने हंबरडा फोडला.
संजय राऊतांच्या थुंकण्यावर जितेंद्र आव्हाडांची प्रतिक्रिया, शरद पवारांचा उल्लेख करत म्हणाले…
